بہاولنگر میں وائٹ کین ڈے کے موقع پر رائز اسکول میں ایک تقریب کا انعقاد کیا گیا، جس کا مقصد بصارت سے محروم افراد کے حقوق، مسائل اور معاشرے میں ان کی اہمیت کے حوالے سے شعور اجاگر کرنا تھا۔
اس موقع پر سفید چھڑی کی اہمیت کو اجاگر کیا گیا، جو بصارت سے محروم افراد کی نقل و حرکت میں معاونت فراہم کرنے کے ساتھ خودمختاری اور خود اعتمادی کی علامت بھی ہے۔
تقریب کا بنیادی پیغام یہ تھا کہ خصوصی افراد کو تعلیم، روزگار اور زندگی کے دیگر شعبوں میں آگے بڑھنے کے مساوی مواقع فراہم کیے جائیں۔ معاشرے کے ہر فرد کی ذمہ داری ہے کہ وہ بصارت سے محروم افراد کے ساتھ عزت و احترام کا برتاؤ کرے اور ان کی حوصلہ افزائی میں اپنا کردار ادا کرے۔
وائٹ کین ڈے ہمیں یہ احساس دلاتا ہے کہ حقیقی ترقی اسی وقت ممکن ہے جب معاشرے کے تمام افراد کو عزت، تحفظ اور آگے بڑھنے کے یکساں مواقع میسر ہوں
