موسم کی موجودہ صورتحال

**ہفتہ کی پیشگوئی:**
محکمہ موسمیات کے مطابق ملک کے زیادہ تر علاقوں میں موسم گرم اور خشک رہنے کا امکان ہے، جبکہ جنوبی حصوں میں شدید گرمی پڑ سکتی ہے۔ تاہم بالائی خیبرپختونخوا، پنجاب کے کچھ علاقوں، شمالی بلوچستان، گلگت بلتستان اور کشمیر میں چند مقامات پر آندھی اور گرج چمک کے ساتھ بارش متوقع ہے۔

**اتوار کی صورتحال:**
ملک کے بیشتر علاقوں میں موسم گرم اور خشک رہے گا، جبکہ جنوبی اور وسطی علاقوں میں شدید گرمی برقرار رہنے کا امکان ہے۔ بالائی خیبرپختونخوا، گلگت بلتستان اور کشمیر میں جزوی طور پر ابر آلود موسم رہ سکتا ہے۔

**گزشتہ 24 گھنٹوں کا موسم:**
وسطی پنجاب، کشمیر، خیبرپختونخوا، بارکھان اور استور میں کہیں کہیں تیز ہواؤں، آندھی اور گرج چمک کے ساتھ بارش ہوئی۔ باقی ملک میں موسم گرم اور خشک جبکہ جنوبی علاقوں میں شدید گرمی ریکارڈ کی گئی۔

**بارش کے اعداد و شمار (ملی میٹر):**
پنجاب: کروڑ (لیہ) 35، ملتان (سٹی 02)، ڈی جی خان (سٹی 01)، جھنگ، ٹوبہ ٹیک سنگھ، کوٹ ادو 01
خیبرپختونخوا: تخت بائی 26، پاڑا چنار 07، ڈی آئی خان (ایئرپورٹ 06، سٹی 01)، دروش 02
بلوچستان: بارکھان 14
گلگت بلتستان: استور 02 ملی میٹر

**زیادہ سے زیادہ درجہ حرارت:**
گزشتہ روز سب سے زیادہ درجہ حرارت سبی میں 46 ڈگری سینٹی گریڈ ریکارڈ کیا گیا۔ نوکنڈی میں 43 جبکہ جیکب آباد، نواب شاہ، تربت اور مٹھی میں 42 ڈگری سینٹی گریڈ ریکارڈ کیا گیا۔