ارشدیپ سنگھ نے سمرین کور کے ساتھ تعلق کی تصدیق کر دی، تصاویر سوشل میڈیا پر وائرل
بھارتی فاسٹ بولر ارشدیپ سنگھ نے پنجابی ماڈل اور اداکارہ سمرین کور کے ساتھ اپنے تعلقات سے متعلق جاری قیاس آرائیوں پر پہلی بار کھل کر اظہار کرتے ہوئے اپنے رشتے کی تصدیق کر دی۔
ارشدیپ سنگھ نے انسٹاگرام پر سمرین کور کے ہمراہ چند تصاویر شیئر کیں اور ان کے ساتھ مختصر کیپشن “My Person” تحریر کیا، جسے مداحوں نے ان کے تعلق کا باضابطہ اعلان قرار دیا۔
تصاویر منظرعام پر آنے کے بعد سوشل میڈیا پر صارفین کی جانب سے دونوں کو مبارکباد اور نیک تمناؤں کے پیغامات کا سلسلہ جاری ہے، جبکہ یہ پوسٹ تیزی سے وائرل ہو رہی ہے۔
تعلقات کی افواہیں کب سامنے آئیں؟
ارشدیپ سنگھ اور سمرین کور کے درمیان تعلق کی چہ مگوئیاں چند ماہ قبل اس وقت شروع ہوئیں جب کرکٹر نے اسنیپ چیٹ پر ایک ایسی تصویر شیئر کی جس میں ایک خاتون ان کے ساتھ موجود تھیں، تاہم ان کی شناخت واضح نہیں تھی۔
بعد ازاں سوشل میڈیا صارفین نے تصویر میں نظر آنے والے ٹیٹو اور نیل آرٹ کو سمرین کور سے منسوب کرتے ہوئے دونوں کے درمیان تعلقات کے بارے میں قیاس آرائیاں شروع کر دیں۔ اگرچہ اس وقت دونوں کی جانب سے کوئی باضابطہ ردعمل سامنے نہیں آیا تھا، تاہم حالیہ انسٹاگرام پوسٹ کے بعد ان خبروں کو مزید تقویت ملی اور مداحوں نے اسے تعلق کی عوامی تصدیق کے طور پر دیکھا۔