ورلڈ کپ میچ ڈرا، کینیڈا اور بوسنیا نے ایک ایک گول کیا

ورلڈ کپ 2026: کینیڈا اور بوسنیا کے درمیان دلچسپ مقابلہ 1-1 سے برابر

فیفا ورلڈ کپ 2026 کے دوسرے دن کھیلے گئے ابتدائی میچ میں میزبان کینیڈا اور بوسنیا کے درمیان سنسنی خیز مقابلہ بغیر کسی نتیجے کے ختم ہوا، دونوں ٹیموں نے ایک ایک گول اسکور کیا۔

ٹورنٹو کے اسٹیڈیم میں ہونے والے اس میچ کا آغاز کینیڈا کی جارحانہ حکمت عملی سے ہوا، تاہم ابتدائی برتری بوسنیا نے حاصل کی۔ بوسنیا کے کھلاڑی جووو لوکچ نے 21ویں منٹ میں گیند کو جال کی راہ دکھا کر اپنی ٹیم کو سبقت دلائی، جو پہلے ہاف کے اختتام تک برقرار رہی۔

دوسرے ہاف میں میزبان ٹیم نے کھیل پر گرفت مضبوط کرتے ہوئے متعدد حملے کیے، تاہم ابتدائی کوششوں میں انہیں کامیابی حاصل نہ ہو سکی۔ کینیڈا کی جانب سے دباؤ مسلسل بڑھایا جاتا رہا۔

79ویں منٹ میں کینیڈا کے کھلاڑی نے شاندار شاٹ کے ذریعے گول کر کے مقابلہ برابر کر دیا، جس کے بعد میچ مزید دلچسپ ہو گیا۔

اختتامی لمحات میں دونوں ٹیموں نے فیصلہ کن گول کے لیے بھرپور کوشش کی، مگر دفاعی حکمت عملی اور موقعوں سے فائدہ نہ اٹھا پانے کے باعث میچ 1-1 گول سے برابر رہا