• ستمبر 19, 2021

30 سے زائد ممالک کے ایک ہزار 335 افراد کو کابل سے اسلام آباد پہنچایا گیا

اسلام آباد: افغانستان پر طالبان کے کنٹرول کے بعد غیرملکیوں کے انخلا میں پاکستان پیش پیش ہے۔ 30 سے زائد ممالک کے ایک ہزار 335 افراد کو کابل سے اسلام آباد پہنچایا گیا۔

اے ون نیوز کو موصول دستاویز کے مطابق 15 سے 24 اگست کے دوران کابل سے 24 فلائٹس کے ذریعے ایک ہزار 335 غیر ملکی مسافروں کو اسلام آباد لایا گیا، جن میں بیلجیئم کے 15، ڈنمارک کے 43، کینیڈا کے 14، ہالینڈ کے 40 باشندے شامل تھے۔ اس دوران ترکی کے 42، برطانیہ کے 2، امریکا کے 11 شہریوں نے کابل سے انخلا کیلئے پاکستان سے مدد لی۔

پاکستان نے اقوام متحدہ کے تین اہلکاروں کے کابل سے محفوظ انخلا میں بھی مدد فراہم کی۔ مجموعی طور پر 30 سے زائد ممالک کے شہریوں نے پاکستانی پیش کش سے فائدہ اٹھایا، ان ممالک میں بلغاریہ، فرانس، جرمنی، یونان، انڈونیشیا، اٹلی، جاپان، فلپائن، جنوبی افریقہ شامل ہیں۔

دستاویز کے مطابق پاکستان آنے والے غیر ملکیوں میں 874 افغان شہری بھی شامل ہیں۔ اسلام آباد سے کابل جانے والی پروازوں کے ذریعے 521 مسافر افغانستان بھی گئے۔ غیر ملکی شہریوں کے محفوظ انخلا پر مختلف ممالک نے وزیراعظم عمران خان کا شکریہ ادا کیا ہے۔

0 Reviews

Write a Review

Read Previous

خیبرپختونخوا حکومت کے تین سال، مہنگائی پر قابو نہ پایا جاسکا، کابینہ میں اکھاڑ پچھاڑ جاری رہی

Read Next

چین اور روس کے صدور میں ٹیلی فونک رابطہ، افغانستان کی صورت حال پر تبادلہ خیال

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے