• جنوری 22, 2021

کورونا ویکسین کے بعد ماسک لگانے کی ضرورت ہے؟ ماہرصحت نے بتادیا

ریاض : سعودی عرب کے شہری اس بات پر شش و پنج کا شکار ہیں کہ کیا کورونا ویکسین کے استعمال کے بعد بھی ماسک پہننا بھی لازمی ہوگا یا اس کی ضرورت باقی رہے گی؟ سعودی ذرائع ابلاغ کے مطابق طیبہ یونیورسٹی میں وائرس کے علوم کے ماہر ڈاکٹر یاسرالقرشی نے اس کا جواب دیتے ہوئے کہا ہے کہ ویکسین کے بعد بھی ماسک پہننا جاری رہے گا۔ اپنے ایک بیان میں انہوں نے اس کی وضاحت کرتے ہوئے بتایا کہ سعودی عرب میں فائزر کمپنی کی تیار کردہ ویکسین کا اندراج ہوگیا ہے، کمپنی کا کہنا ہے کہ تجربات سے معلوم ہوا ہے کہ ویکسین کی کامیابی کی شرح90 فیصد ہے جس کا مطلب ہے کہ ویکسین لگانے والے90 فیصد افراد کو کورونا سے تحفظ حاصل ہوگا۔ ان کا کہنا تھا کہ باقی رہ جانے والے دس فیصد لوگ وہ ہوں گے جنہیں ویکسین سے خاطر خواہ فائدہ نہیں ہوگا، اس بات کی وجہ سے بعد میں بھی سب کو ماسک پہننا ضروری ہے۔ علاوہ ازیں ویکسین سے تحفظ حاصل کرنے کا مطلب یہ نہیں ہے کہ ویکسین لگانے والوں کورونا وائرس دوبارہ لاحق نہیں ہوسکتا، ویکسین لگانے والے شخص کو کورونا لاحق ہوسکتا ہے مگر وائرس کی وجہ سے وہ بیمار نہیں ہوگا، ایسا شخص کورونا کا حامل ہوگا اور دوسروں کو بھی منتقل کرتا رہے گا۔ انہوں نے کہا کہ کورونا ویکسین اگر تمام افراد کو لگا بھی دیا جائے تو اسے فعال ہونے کے لیے بھی وقت چاہئے، اس لیے فیس ماسک طویل عرصے تک پہننا لازمی ہے۔

0 Reviews

Write a Review

Read Previous

گاڑی چلاتے ہوئے کورونا وائرس سے کیسے محفوظ رہا جائے؟

Read Next

سال دوہزار بیس کا آخری سورج گرہن، کیا پاکستان میں دیکھا جاسکے گا؟

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے