• اکتوبر 31, 2020

شعیب ملک دس ہزار رنز بنانیوالے پہلے ایشیائی بیٹسمین بن گئے

لاہور:قومی ٹیم کے سینئر آل راؤنڈر شعیب ملک ٹونٹی ٹونٹی کرکٹ میں 10000 رنز سکور کرنے والے پہلے ایشیائی اور دنیا کے تیسرے بلے باز بن گئے۔

یاد رہے کہ شعیب ملک اب تک 395 ٹونٹی ٹونٹی میچز میں 37.53 کی اوسط سے 10021 رنز سکور کرچکے ہیں جن میں 62 نصف سنچریاں شامل ہیں۔ انہوں نے یہ رنز 125.77 کے سٹرائیک ریٹ سے سکور کررکھے ہیں۔

ٹونٹی ٹونٹی کرکٹ میں سب سے زیادہ رنز سکور کرنے کا اعزاز ویسٹ انڈین اوپنر کرس گیل کے پاس ہے جنہوں نے اب تک 13296 رنز بنارکھے ہیں، ان کے ہم وطن کیرون پولارڈ 10370 رنز کے ساتھ اس فہرست میں دوسری پوزیشن پر براجمان ہیں۔

سابق کیوی کپتان برینڈن میکولم 9922 رنز کے ساتھ چوتھے اور آسٹریلیا کے ڈیوڈ وارنر 9503 رنز سکور کرکے پانچویں پوزیشن پر براجمان ہیں۔ آسٹریلیا کے ایرون فنچ 9161 رنز کے ساتھ چھٹے اور بھارتی کپتان ویرات کوہلی 9033 رنز کے ساتھ 7ویں پوزیشن پر موجود ہیں۔

بھارت کےروہت شرما 8853 رنز کے ساتھ 8 ویں ، سابق جنوبی افریقی کپتان اے بی ڈیویلیئرز 8812 رنز بنا کر 9ویں اور سابق آسٹریلوی بلے باز شین واٹسن 8707 رنز سکور کرکے 10 ویں پوزیشن پر قبضہ جمائے بیٹھے ہیں۔

0 Reviews

Write a Review

Read Previous

لیگی قائد کیخلاف جعلی سازی کا بیان بے بنیاد ہے،رانا ثناء اللہ

Read Next

A1tv Headlines 01 PM | 12 OCTOBER 2020

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے