• اکتوبر 26, 2021

یونس خان کی پی سی بی میں ایک اور انٹری کی تیاری، ذرائع

لاہور: سابق کپتان یونس خان کی پی سی بی میں ایک اور انٹری کی تیاری، یونس خان قومی ٹیم کیلئے بیٹنگ کوچ کی خدمات دے چکے ہیں۔

پاکستان کرکٹ بورڈ میں تقرریوں کا سلسلہ جاری، ذرائع کے مطابق سابق کپتان یونس خان کو پاکستان کرکٹ بورڈ میں ذمہ داریاں ملنے کا امکان ہے،سابق کپتان اس سے قبل بیٹنگ کوچ کی خدمات دے چکے ہیں، یونس خان کی کپتانی میں پاکستان نے 2009 کا ٹی 20 ورلڈکپ جیتا تھا۔

دوسری جانب سابق ٹیسٹ کرکٹرعاقب جاوید کو بھی پی سی بی میں ذمہ داریاں دینے کی خبریں زیر گردش ہیں، اس حوالے سے چیئرمین پی سی بی رمیز راجہ سے ان کی ملاقات بھی ہوئی جس کے دوران عاقب جاوید نے رمیز راجہ کو گراس روٹ لیول پر کام کرنے کا مشورہ دیتے ہوئے کہا کہ ڈومیسٹک کرکٹ اور ٹیلنٹ ہنٹ کو مضبوطی عطا کرنے کیلئے اکیڈمیز کا کردار بہت زیادہ اہمیت کا حامل ہے۔ دونوں شخصیات کے مابین مستقبل کیلئے مزید منصوبہ بندی پر بھی بات چیت ہوئی۔

0 Reviews

Write a Review

Read Previous

اسرائیل کے فلسطینیوں پر مظالم جاری، صیہونی فورسز نے مزید 2 افراد کو شہید کر دیا

Read Next

خیبرپختونخوا میں کھیلوں کے فروغ کیلئے سکول کرکٹ چیمپئن شپ کے انعقاد کا فیصلہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے