• نومبر 29, 2020

کیپٹن(ر)صفدر کی گرفتاری کا سارا کھیل وفاقی حکومت کی ایما پر ہوا،وزیر اطلاعات سندھ

کراچی: صوبائی وزیر اطلاعات ناصر شاہ نے الزام عائد کیا ہےکہ کیپٹن (ر) صفدر کی گرفتاری کا سارا کھیل وفاقی حکومت کی ایما پر ہوا ہے۔ کراچی میں پریس کانفرنس کرتے ہوئے ناصر شاہ نے کہا کہ پی ٹی آئی رہنماؤں نے پولیس کو کیس کیلئے الگ الگ درخواستیں دیں اور پولیس نے درخواستوں کو غیر قانونی قرار دے کر خارج کردیا جس کےبعد کیس کے اندراج کیلئے قائداعظم مزار مینجمنٹ بورڈ نے پولیس کو درخواست دی لیکن پولیس نے قائداعظم مزار مینجمنٹ بورڈکو مجسٹریٹ کو درخواست دینے مشورہ دیا۔ ناصر شاہ نے کہا کہ ایک شخص نےدرخواست دی کہ اسے کیپٹن(ر) صفدر نے جان سے مارنے کی دھمکی دی اور پولیس نے اس شخص کی ایف آئی آردرج کرکے تفتیش شروع کردی جب کہ تفتیش مکمل ہونے سے پہلے کیپٹن (ر) صفدر کوگرفتار کرنا قابل مذمت ہے۔ صوبائی وزیر کا کہنا تھا کہ مزار قائد پر جو واقعہ پیش آیا، وہ نہیں ہونا چاہیےتھا،  حکومت سندھ نے کیپٹن (ر) صفدر کی گرفتاری کا نوٹس لیا ہے جس کی اعلیٰ سطح پر انکوائری ہوگی جب کہ یہ سارا کھیل وفاقی حکومت کی ایما پر ہوا ہے۔

0 Reviews

Write a Review

Read Previous

مزار قائد ایکٹ کی خلاف ورزی،کیپٹن(ر) محمد صفدر ضمانت پر رہا

Read Next

وزیر خارجہ سے افغان رہنما گلبدین حکمت یار کی ملاقات،افغان عمل پر بات چیت

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے