• دسمبر 1, 2021

کورونا کی چوتھی لہر مزید 5 جانیں لے گئی، چوبیس گھنٹے میں 315 نئے مریض رجسٹرڈ

اسلام آباد: کورونا وائرس سے 5 افراد جاں بحق ہوگئے، جس کے بعد اموات کی تعداد 28 ہزار 668 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 82 ہزار 510 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 315 نئے کیسز رپورٹ ہوئے، پنجاب میں 4 لاکھ 42 ہزار 556، سندھ میں 4 لاکھ 74 ہزار 407، خیبر پختونخوا میں ایک لاکھ 79 ہزار 644، بلوچستان میں 33 ہزار 453، گلگت بلتستان میں 10 ہزار 408، اسلام آباد میں ایک لاکھ 7 ہزار 506 جبکہ آزاد کشمیر میں 34 ہزار 536 کیسز رپورٹ ہوئے۔

ملک بھر میں اب تک 2 کروڑ 17 لاکھ 17 ہزار 637 افراد کے ٹیسٹ کئے گئے، گذشتہ 24 گھنٹوں کے دوران 35 ہزار 332 نئے ٹیسٹ کئے گئے، اب تک 12 لاکھ 38 ہزار 980 مریض صحتیاب ہوچکے ہیں جبکہ ایک ہزار 26 مریضوں کی حالت تشویشناک ہے۔

پاکستان میں کورونا سے ایک دن میں 5 افراد جاں بحق ہوئے جس کے بعد وائرس سے مرنے والوں کی تعداد 28 ہزار 668 ہوگئی۔ پنجاب میں 13 ہزار 2، سندھ میں 7 ہزار 611، خیبرپختونخوا میں 5 ہزار 818، اسلام آباد میں 952، بلوچستان میں 358، گلگت بلتستان میں 186 اور آزاد کشمیر میں 741 مریض جان سے ہاتھ دھو بیٹھے۔

0 Reviews

Write a Review

Read Previous

Regional News Bulletin | A1Tv | 22 November 2021

Read Next

اوچ شریف: موٹروے پر ٹریفک حادثہ، ایک ہی خاندان کے5 افراد جاں بحق

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے