• مئی 24, 2022

کورونا کی پانچویں لہر میں مسلسل کمی، مثبت کیسز کی شرح 1.76 فیصد پر آگئی

اسلام آباد:  کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح ایک اعشاریہ سات چھ فیصد ریکارڈ کی گئی۔ کورونا وائرس سے 4 افراد جاں بحق ہوگئے، جس کے بعد اموات کی تعداد 30 ہزار 291 ہوگئی۔ پاکستان میں کورونا کے تصدیق شدہ کیسز کی تعداد 15 لاکھ 16 ہزار 789 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 639 نئے کیسز رپورٹ ہوئے، پنجاب میں 5 لاکھ 3 ہزار 279، سندھ میں 5 لاکھ 70 ہزار 934، خیبرپختونخوا میں 2 لاکھ 17 ہزار 690، بلوچستان میں 35 ہزار 403، گلگت بلتستان میں 11 ہزار 598، اسلام آباد میں ایک لاکھ 34 ہزار 736 جبکہ آزاد کشمیر میں 43 ہزار 149 کیسز رپورٹ ہوئے۔

ملک بھر میں اب تک 2 کروڑ 67 لاکھ 85 ہزار 763 افراد کے ٹیسٹ کئے گئے، گذشتہ 24 گھنٹوں کے دوران 36 ہزار 241 نئے ٹیسٹ کئے گئے، اب تک 14 لاکھ 68 ہزار 449 مریض صحتیاب ہوچکے ہیں جبکہ 707 مریضوں کی حالت تشویشناک ہے۔

پاکستان میں کورونا سے ایک دن میں 4 افراد جاں بحق ہوئے، جس کے بعد وائرس سے مرنے والوں کی تعداد 30 ہزار 291 ہوگئی۔ پنجاب میں 13 ہزار 535، سندھ میں 8 ہزار 85، خیبرپختونخوا میں 6 ہزار 294، اسلام آباد میں ایک ہزار 19، بلوچستان میں 377، گلگت بلتستان میں 191 اور آزاد کشمیر میں 790 مریض جان سے ہاتھ دھو بیٹھے۔

0 Reviews

Write a Review

Read Previous

پھل توڑنے کیلئے درخت پر دوڑنے والی موٹر سائیکل تیار

Read Next

سونیا حسین کو نکاح کیلئے ایک اچھے انسان کی تلاش

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے