• ستمبر 18, 2021

کراچی میں کورونا کا پھیلاؤ بڑھنے لگا، مکمل لاک ڈاؤن لگنے کا امکان

کراچی: شہر قائد کراچی میں کورونا وائرس کے پھیلاؤ کو روکنے کے لئے مختلف فیصلوں پر غور کیا جا رہا ہے۔ صورتحال کے پیش نظر مکمل لاک ڈاؤن لگنے کا امکان ہے۔

اس کے علاوہ عمومی نوعیت کے پیداواری صنعتی یونٹس، مارکیٹیں اور ٹرانسپورٹ سروس بھی بند کرنے کی تجویز زیر غور ہے۔ کورونا ایس اوپیز پر عملدرآمد کے لئے وفاقی قانون نافذ کرنے والے اداروں کی مدد لی جائے گی۔

ذرائع کا کہنا ہے کہ کراچی میں کورونا کے پھیلاو کو روکنے کے لئے اہم اقدامات کی منظوری ٹاسک فورس دے گی۔ سندھ حکومت نے بڑے فیصلوں سے قبل سیاسی جماعتوں اور تاجر تنظیموں سے مشاورت مکمل کر لی ہے۔

جمعے کے روز کورونا ٹاسک فورس اجلاس میں تمام پارلیمانی جماعتوں کو بھی مدعو کیا گیا ہے جبکہ تاجروں اور صنعتکاروں کے نمائندے بھی ٹاسک فورس اجلاس میں شریک ہونگے۔

اعلیٰ عسکری حکام اور سول انتظامیہ کے سینئر افسران بھی صورت حال سے آگاہ کرینگے۔ پی ٹی آئی، جی ڈی اے، ایم کیو ایم اور جماعت اسلامی کے پارلیمانی لیڈرز بھی اجلاس میں مدعو ہیں۔ مکمل لاک ڈاؤن یا سخت ترین پابندیوں سے متعلق حتمی فیصلہ ٹاسک فورس اجلاس میں ہوگا۔

0 Reviews

Write a Review

Read Previous

کورونا پھر جانیں لینے لگا: مہلک وائرس مزید 86 جانیں لے گیا، 4537 نئے مریض

Read Next

آزاد کشمیر الیکشن نتائج مسترد، ن لیگ کا پاکستان اور بیرون ملک تحریک چلانے کا اعلان

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے