• اکتوبر 20, 2020

کراچی: شاہراہ فیصل، ڈیفنس اور کورنگی کے علاقے تاحال زیرآب، شہری پریشان

کراچی: بارش کے بعد کراچی میں مسائل ہی مسائل، شاہراہ فیصل، ڈیفنس اور کورنگی کے علاقے تاحال زیر آب ہیں، نشیبی علاقوں کا برا حال ہے، پانی گھروں میں موجود ہے جبکہ شہریوں کا کوئی پرسان حال نہیں۔

شہر قائد کے کئی علاقوں سے بارش کے پانی کی نکاسی تا حال نہ ہوسکی، ڈیفنس اور کورنگی کراسنگ تاحال زیر آب ہیں، طوفانی بارش سے نرسری فرنیچر مارکیٹ میں پانچ سے سات فٹ تک پانی جمع ہوا، دکانوں میں پانی داخل ہونے سے قیمتی فرنیچر خراب ہوگیا۔

بارش کے بعد مختلف علاقوں میں امدادی سرگرمیاں بھی جاری ہیں۔ نیا ناظم آباد میں ایدھی فاؤنڈیشن نے ریسکیو آپریشن کیا، گھر کی چھتوں پر پناہ گزیں افراد کو محفوظ مقام پر منتقل کر دیا گیا۔

بارش کے بعد سے متعدد علاقوں میں بجلی بحال نہ ہوسکی۔ قائد آباد گلشن حدید، گلشن معمارمیں بجلی کی بندش کو 24 گھنٹے گزر گئے۔ شاہ فیصل کالونی، گرین ٹاؤن، شمسی سوسائٹی سمیت متعدد علاقے بھی متاثر ہیں، شاہراہ فیصل پر گزشتہ روز پانی میں پھنس جانے والی بے شمار گاڑیاں اب بھی موجود ہیں۔ پانی کے باعث لوگ گاڑیاں سڑک پر ہی چھوڑ گئے تھے۔

0 Reviews

Write a Review

Read Previous

‘ن لیگ عوام کا اعتماد کھو چکی، کم از کم وہ صحت کے معاملے پر بھاشن نہ دے’

Read Next

سازشی عناصر اپنا کام کرتے رہیں، حکومت 5 سال پورے کرے گی: عثمان بزدار

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے