• جون 24, 2021

چین کا امریکہ سے اسرائیلی حملے رکوانے کا مطالبہ

بیجنگ: چین نے امریکہ سے اسرائیلی حملوں کو رکوانے کے لیے اپنا کردار ادا کرنے کا مطالبہ کر دیا۔

غیر ملکی خبر رساں ادارے کے مطابق چین کی وزارت خارجہ کے ترجمان ژاؤ لیجیان نے پریس کانفرنس میں کہا کہ اسرائیل اور فلسطین کے مابین اس وقت 2014 کے بعد سے اب تک کا سب سے بڑا تنازع پیدا ہوا ہے جس کے حل کے لیے امریکہ کو اپنی ذمہ داریاں نبھانی چاہیئے۔

انہوں نے کہا کہ اسرائیل کو تحمل سے کام لیتے ہوئے مسلمانوں کے خلاف تشدد، دھمکیوں اور اشتعال انگیزی کا سلسلہ بند کرنا چاہیئے۔

چینی وزارت خارجہ کے ترجمان نے کہا کہ فلسطین میں متاثرین کو امداد کی اشد ضرورت ہے اور انسانی ہمدردی کے تحت تمام ممالک مل کر فلسطینی عوام کے دکھوں کا مداوا کریں۔

ترجمان نے فلسطین کے لیے کی گئی کاوشوں کا ذکر کرتے ہوئے کہا کہ چین نے سلامتی کونسل میں 2 بار مشاورت کی جس کا مسودہ بھی تیار ہے جس کی بنیاد پر وزیر خارجہ وانگ ای نے 16 مئی کو سلامتی کونسل میں کھل کر اظہار خیال کیا اور 2 ریاستی حل بھی پیش کیا۔

واضح رہے کہ ایک ہفتے سے غزہ پر اسرائیل کے مسلسل بمباری کے نتیجے میں 200 سے زائد فلسطینی شہید اور سینکڑوں زخمی ہوچکے ہیں۔

0 Reviews

Write a Review

Read Previous

پنجاب:ڈرائیونگ لائسنس بنانے پرپابندی ختم

Read Next

نوازشریف کی جائیدادیں20مئی کو نیلام کرنےکافیصلہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے