• مئی 24, 2022

چین نے افغانستان کے اثاثے ضبط کرنے کے امریکی اقدام کو “ڈاکا” قرار دے دیا

بیجنگ:  چین نے افغانستان کے آدھے اثاثے ضبط کرنے کے امریکی اقدام کو “ڈاکا” قرار دے دیا۔

چینی وزارت خارجہ کی ترجمان کا کہنا تھا کہ امریکی اقدام شرمناک اور اخلاقی گراوٹ ظاہر کرتا ہے، امریکا افغانستان کے تمام اثاثے جلد از جلد لوٹائے۔ امریکا عراق، لیبیا اور دیگر ممالک کی عوام کا بھی ازالہ کرے جن کا امریکی فوجی کارروائیوں کی وجہ سے خاصا جانی نقصان ہوا۔

واضح رہے کہ امریکی صدر جوبائیڈن نے چند روز قبل افغانستان کے منجمد 7 ارب ڈالر کے فنڈز میں سے آدھے (ساڑھے 3 ارب ڈالر) گیارہ ستمبر 2011 حملے کے متاثرین میں تقسیم کرنے کے صدارتی حکم نامے پر دستخط کر دیئے۔

طالبان کی جانب سے جاری کردہ بیان میں امریکی حکومت کے اس عمل کو اخلاقی انحطاط اور چوری قرار دیا گیا تھا۔ یہ امر قابل ذکر ہے کہ طالبان کے کنٹرول میں آنے کے بعد سے افغانستان میں معاشی ابتری بڑھتی جا رہی ہے۔ اقوام متحدہ نے 2022 کے وسط تک غربت کی شرح 97 فیصد تک پہنچنے کا خدشہ ظاہر کیا ہے۔

0 Reviews

Write a Review

Read Previous

کالا باغ ڈیم منصوبہ: مونس الٰہی نے معاملہ کابینہ کے سامنے رکھ دیا

Read Next

یاد آ ریا ہے تیرا پیار، ڈسکو ڈانسر والے بپی لہری چل بسے

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے