• جون 22, 2021

چینی کورونا ویکسین آئندہ ماہ سے پاکستان میں تیار ہوگی

پاکستان میں کورونا ویکسین کی تیاری کا آغاز آئندہ ماہ سے ہوگا۔

ذرائع قومی ادارہ صحت (این آئی ایچ) کے مطابق این آئی ایچ میں کورونا ویکسین تیاری کے انتظامات مکمل کر لیے گئے ہیں۔ چین کی کمپنی کین سائنو کی ایجاد کردہ کورونا ویکسین این آئی ایچ میں تیار ہوگی۔

ذرائع کے مطابق این آئی ایچ میں کین سائینو سنگل ڈوز کورونا ویکسین تیار کی جائے گی۔ مقامی سطح پر تیار سنگل ڈوز کورونا ویکسین مئی کے آخر میں دستیاب ہوگی۔

ذرائع کے مطابق پاکستان کورونا ویکسین چینی کمپنی کے تعاون سے تیار کرے گا۔ ویکسین کی تیاری کیلئے خام مال چینی کمپنی فراہم کرے گی۔

دوسری جانب پاکستان نے جون 2021 تک کیلئے دستیاب اور متوقع کورونا کے ویکسین اسٹاک کا 78 فیصد خرید لیا ہے۔

وزارات صحت کے مطابق ویکسینیشن کےعمل کو ہموار رکھنے کیلئے مستقبل کیلئے احکامات پہلے سے موجود ہیں۔

وزارت صحت کے مطابق جنوری کے مہینے میں 5 لاکھ کورونا ویکسین خریدی گئی تھی۔ فروری میں 7 لاکھ اور مارچ میں 10 لاکھ 60 ہزار کورونا ویکسین خریدی گئی۔

وزارت صحت کے مطابق اپریل کے مہینے میں 30 لاکھ کورونا ویکسین خریدی گئی۔ مئی میں 67 لاکھ اور جون میں 63 لاکھ کورونا ویکسین کی خرید متوقع ہے۔

0 Reviews

Write a Review

Read Previous

اپنے گھر میں کھیلنے کے لیے تیار ہوں، عثمان خواجہ

Read Next

پی آئی اے کا خصوصی طیارہ کورونا ویکسین لے کر پہنچ گیا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے