• اکتوبر 22, 2021

چنیوٹ:بہن سے مبینہ ناجائز تعلقات،بھائیوں نے ایک شخص کی آنکھیں نکال دیں

چنیوٹ : تھانہ محمد والا کے علاقہ میں بہن سے مبینہ ناجائز تعلقات کے شبہ میں بھائیوں نے ناصر نامی شخص کی آنکھیں نکال دیں جبکہ ڈی پی او کی جانب سے واقعہ کا نوٹس لیتے ہوئے پولیس نے دونوں افراد کو گرفتار کرلیا ہے۔

ذرائع کے مطابق چنیوٹ کے علاقے لالیاں میں غیرت کے نام پر دو بھائیوں نے بہن سے مبینہ ناجائز تعلقات کے شبہ میں سفاکیت کی انتہا کرتے ہوئے ایک شخص کی آںکھیں نکال دیں۔ ڈی پی او چنیوٹ بلال ظفر نے آنکھیں نکالنے کے واقعہ کا نوٹس لے لیا جس کے بعدسینئر پولیس افسران موقع پر پہنچ گئے جہاں زخمی شخص کو تشویشناک حالت ہونے پر فیصل آباد الائیڈ ہسپتال منتقل کر دیا گیا۔

ڈی پی او بلال ظفر کا کہنا ہے کہ واقعہ میں ملوث دو ملزمان کو گرفتار کر لیا گیا ہے،زخمی کا میڈیکل کروایا جا رہا ہے، جبکہ ایسے واقعات ناقابل برداشت ہیں اور قانون کی بالادستی قائم رکھتے ہوئے انصاف کی فراہمی کو یقینی بنایا جائے گا۔

0 Reviews

Write a Review

Read Previous

وزیراعلیٰ بلوچستان جام کمال کو مستعفی ہونے کیلئے کی مہلت دیدی گئی

Read Next

چیئرمین نیب تقرری، حکومت کا اپوزیشن کے ساتھ مشاورت کرنے کا فیصلہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے