• دسمبر 5, 2021

چاندکی آکسیجن انسانوں کے لیے ایک لاکھ سال تک کافی ہو گی

 چاند پر موجود آکسیجن دنیا کے انسانوں کے لیے  ایک لاکھ سال تک کافی ہو گی

آسٹریلوی سائنسدان نے اپنے ایک مضمون میں کہا ہے کہ چاند پر موجود مٹی، پتھروں اور چٹانوں  پر اتنی آکسیجن موجود ہے کہ وہ دنیا کے آٹھ ارب انسانوں کے لیے ایک لاکھ سال تک بھی کم نہیں ہو گی۔

ماہرین کا کہنا ہے کہ اگر سائنسدان چاند کی  مٹی اور چٹانوں سے آکسیجن لے کر انسانوں کے لیے قابل استعمال بنانے کا طریقہ وضع کر لیں تو چاند پر انسانوں کی بستیاں بسائی جا سکتی ہیں۔

ماہرین کے مطابق چاند پر ہوا کا تناسب نہ ہونے کا برابر ہے۔  ہوامیں زیادہ مقدار ہیلیم ، نیون اور  ہائیڈروجن کی ہے۔ چاند کی سطح پر موجود مٹی، پتھروں اور چٹانوں  میں آکسیجن پائی  جاتی ہے لیکن یہ آکسیجن مرکبات کی شکل میں موجود ہے۔

چا ند کی چٹانوں میں 45فیصد تک آکسیجن موجود ہے لیکن ان مرکبات کو توڑ کرآکسیجن کوخالص شکل میں لانے کے لیے بہت زیادہ مقدار میں توانائی صرف کرنے کی ضرورت پڑے گی۔

تاہم چاند پر توانائی کا انتظام کر کے اگر آکسیجن حاصل کرلی جائے یا کوئی ایسا طریقہ ایجاد کر لیا جائے جس سے کم توانائی  کا استعمال کر کے آکسیجن کو مرکبات سے الگ کیاجاسکے تو چاند پر انسانی زندگی کا خواب پورا ہو سکتا ہے۔

مضمون میں یہ بھی کہا گیا ہے کہ اگر چاند کی سطح پر صرف 10 کلومیٹر تک کھدائی کر کے چٹانیں نکالی جائیں تو اس سے حاصل ہونے والی آکسیجن  آٹھ ارب انسانوں کے لیے ایک لاکھ سال تک کافی ہوگی۔

0 Reviews

Write a Review

Read Previous

بچوں کی نگرانی، آئی فون میں نئے فیچر کی آزمائش شروع

Read Next

ابھی تک کوئی مشترکہ حکومت بنانے کی بات نہیں ہوئی، خورشید شاہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے