• مئی 26, 2022

پی ٹی وی پارلیمنٹ حملہ کیس پر فیصلہ محفوظ، 9 مارچ کو سنایا جائے گا

اسلام آباد کی انسداددہشتگردی عدالت نے پارلیمنٹ، پی ٹی وی حملہ کیس میں وفاقی وزرا اسد عمر، پرویزخٹک، شفقت محمود اور جہانگیرترین سمیت 11 ملزمان کی بریت کی درخواستوں پرفیصلہ محفوظ کرلیا۔ جو 9 مارچ کوسنایا جائے گا۔

درخواست گزاروں کے وکیل کا کہنا تھا کہ وزیراعظم عمران خان کو بری ہوئے ڈیڑھ سال گزرگیا۔ باقی ملزمان کو بھی بری کیا جائے، پراسیکیوٹرنے کہا کہ ہمیں کوئی اعتراض نہیں۔

جج محمد علی ورائچ نے کیس کی سماعت کی، وفاقی وزرا اسدعمر، شفقت محمود، جہانگیرترین، اعجازچوہدری سمیت دیگرپیش ہوئے۔ جج نےکیس کے آغاز پرملزمان کی حاضری لگانے کی ہدایت کی۔ جس پر وفاقی وزیراسد عمرنے حاضری لگائی اور واپس روانہ ہوگئے۔ درخواست گزاروں کے وکیل نے عدالت میں ایف آئی آرپڑھتے ہوئے ملزمان کی مقدمہ سے بریت کی درخواست دائرکردی۔

جہانگیر ترین نے مستقل حاضری سے استثنیٰ کی درخواست دائرکی جس پرجج نے کہا کہ اگلی سماعت پر فیصلہ کر دیں گے۔

Read Previous

محسن بیگ کی اہلیہ نے پولیس ایف آئی آر کو چیلنج کردیا

Read Next

وزیراعظم آج اسکالرشپ کمپلینٹ پورٹل کا اجراء کرینگے

Leave a Reply

آپ کا ای میل ایڈریس شائع نہیں کیا جائے گا۔