• جون 14, 2021

پی ایس ایل 6: لاہور قلندر نے اسلام آباد یونائیٹڈ کو 5 وکٹ سے شکست دیدی

لاہور: پاکستان سپر لیگ کے چھٹے ایڈیشن کے میچ میں لاہور قلندرز نے اسلام آباد یونائیٹڈ کو 5 وکٹ سے شکست دیدی۔

ابوظہبی میں کھیلے گئے پی ایس ایل 6 کے 15ویں میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 144 رنز بنائے جس کے جواب میں لاہور قلندرز نے مطلوبہ ہدف آخری گیند پر پورا کیا۔لاہور قلندرز کی جانب سے کپتان سہیل اختر اور فخرزمان نے اننگز کا آغاز کیا تاہم فخر 9 رنز کے مہمان ثابت ہوئے جس کے بعد محمد فیضان بیٹنگ کیلئے آئے مگر وہ بھی 9 رنز ہی بناسکے ۔ سہیل اختر نے 40 رنز کی جارحانہ اننگز کھیلی جب کہ حفیظ 29 رنز بناکر آؤٹ ہوئے ۔ بین ڈنک 17 رنز بناکر آؤٹ ہوئے ، ٹم ڈیوڈ 23 رنز پر ناٹ آؤٹ رہے ۔راشد خان نے 5 گیندوں پر 15 رنز بنائے ۔ اسلام آباد یونائیٹڈ کی جانب سے حسن علی نے 2 وکٹیں حاصل کیں ۔

اس سے قبل میچ کا ٹاس لاہور قلندرز کے کپتان سہیل اختر نے جیت کر پہلے اسلام آباد یونائیٹڈ کو بیٹنگ کی دعوت دی تو کولن منرو اور عثمان خواجہ نے اننگز کا آغاز کیا۔ جیمز فالکنر نے منرو 11، روحیل نذیر 8 اور شاداب خان کو 7 رنز پر پویلین واپس بھیج دیا۔عثمان خواجہ 18 رنز پر حارث رؤف کا شکار بنے ،یونائیٹڈ نے مقررہ 20 اوورز میں 143 رنز بنائے ۔قلندرز کی جانب سے جیمز فالکنر نے 3 شکار کئے ۔راشد خان کو مین آف دی میچ قرار دیا گیا

0 Reviews

Write a Review

Read Previous

کورونا کی شدت میں مسلسل کمی، مزید 1303 کیسز، 76 افراد جان سے گئے

Read Next

کراچی: رواں سال 5 ماہ کے دوران جرائم میں ریکارڈ اضافہ، ہزاروں شہری لٹ گئے

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے