• جون 24, 2021

پی ایس ایل 6، بقیہ میچز 9 جون سے شروع ہوں گے

لاہور: پاکستان سپر لیگ (پی ایس ایل) سیزن 6 کے بقیہ میچز 9 جون سے شروع ہوں گے۔

پاکستان کرکٹ بورڈ (پی سی بی) کے مطابق پی ایس ایل سیزن 6 کے بقیہ میچز 9 سے 24 جون تک ابوظہبی میں کھیلے جائیں گے۔ کوالیفائر اور ایلیمنٹر ون سمیت ایونٹ کے دوران 6 ڈبل ہیڈرز کھیلے جائیں گے۔

ٹورنامنٹ کے میچز متحدہ عرب امارات (یو اے ای) کے وقت کے مطابق رات 8 بجے شروع ہوں گے۔ ڈبل ہیڈرز والے روز پہلا میچ یو اے ای وقت کے مطابق شام 5 بجے ہوگا جبکہ ڈبل ہیڈرز والے روز دوسرا میچ رات 10 بجے شروع ہو گا۔

ٹورنامنٹ کے بقیہ میچز کا مکمل شیڈول بعد میں جاری کر دیا جائے گا۔

خیال رہے کہ مارچ 2021 میں پاکستان سپر لیگ (پی ایس ایل) سیزن 6 کو کورونا کیسز کے باعث غیر معینہ مدت کے لیے ملتوی کر دیا گیا تھا۔

اب تک ٹورنامنٹ میں 14 میچز کھیلے جا چکے ہیں جس کے بعد اس وقت کراچی کنگز اور پشاور زلمی پانچ پانچ میچ کھیلنے کے بعد 6 پوائنٹس کے ساتھ پہلے اور دوسرے نمبر پر ہے۔

اسلام آباد یونائیٹڈ اور لاہور قلندرز کے بھی چار چار میچ کھیلنے کے بعد چھ چھ پوائنٹس ہیں اور ان کی بالترتیب تیسری اور چوتھی پوزیشن ہے۔

0 Reviews

Write a Review

Read Previous

وزیراعظم عمران خان سے پی ٹی آئی رہنماؤں کی ملاقات، سیاسی صورتحال سےمتعلق گفتگو

Read Next

میں آپ سب سے محبت کرتی ہوں،ایمن سلیم کی مقبولیت بڑھ گئی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے