• مئی 26, 2022

پی ایس ایل کا میدان آج سے شائقین سے بھرا ہوگا

پی ایس 7 کا میدان آج سے شائقین سے مکمل طور پر بھرا ہوگا، لاہور کی ضلعی انتظامیہ نے مکمل ویکسینیٹڈ افراد کو پی ایس ایل میچز دیکھنے کی اجازت دے دی۔

ڈی سی لاہور کی جانب سے جاری کردہ نوٹیفکیشن کے مطابق آج سے لاہور کے 6 مقامات سے اسٹیڈیم تک بس سروس کے اسپیشل روٹس چلیں گے۔ روٹس گڑھی شاہو، آر اے بازار، شاہدرہ، ٹھوکھر نیاز بیگ، شوکت خانم چوک، اسکیم موڑ سے چلائے جارہے ہیں۔

ڈی سی لاہور کے مطابق اسپیشل روٹس 27 فروری تک چلیں گے۔

یاد رہے گزشتہ روز پاکستان سپر لیگ (پی ایس ایل) 7 کے 21 ویں میچ میں اسلام آباد یونائٹیڈ نے دلچسپ مقابلے کے بعد کراچی کنگز کو 1 رن سے شکست دے دی۔

قذافی اسٹیڈیم لاہور میں کھیلے گئے میچ میں کراچی کنگز کی ٹیم اسلام آباد یونائیٹڈ کی جانب سے دیا گیا 192 رنز کا ہدف حاصل کرنے میں ناکام رہی اور مقررہ 20 اوورز میں 8 وکٹوں کے نقصان پر 190 رنز بنا سکی۔

کراچی کنگز کی جانب سے عماد وسیم نے 55، قاسم اکرم 51 اور شرجیل خان نے 44 رنز بنائے۔ اسلام آباد کے وقاص مقصود نے تین جب کہ آصف علی نے دو کھلاڑیوں کو آؤٹ کیا۔

یہ کراچی کنگز کی اس ٹورنامنٹ میں مسلسل ساتویں شکست ہے، جس کے بعد بابر الیون ٹورنامنٹ سے باہر ہو چکی ہے۔

Read Previous

The Ranjha Show With Tabbasum Riaz Ranjha | Valentine Day Special | Funny Road Show 14 February 2022

Read Next

بھارت نے مزید 54 چینی ایپس پر پابندی عائد کر دی

Leave a Reply

آپ کا ای میل ایڈریس شائع نہیں کیا جائے گا۔