• اگست 15, 2022

پی آئی اے کی ملائیشیا کے لئے لاہور سے بھی پروازوں کا سلسلہ بحال

لاہور: پی آئی اے نے اسلام آباد کے بعد اب لاہور سے بھی ملائیشیا کے لئے پروازوں کا سلسلہ بحال کردیا ،وفاقی وزیر ہوا بازی خواجہ سعد رفیق کہتے ہیں کہ لاہور سے اب براہ راست اندرون و بیرون ملک سیاحتی مقامات تک رسائی فراہم کی جا رہی ہے۔

کورونا کی پابندیوں کے بعد پہلی پرواز آج صبح لاہور سے کوالالمپور کے لئے روانہ ہوئی۔ پی آئی اے اسلام آباد سے کوالالمپور کے لئے ہفتہ وار دو پروازیں پہلے ہی چلا رہی ہے۔ وزیر ہوابازی کی خصوصی ہدایات پر قومی ائر لائن اپنی پروازوں کی تعداد میں اضافہ کر رہی ہے۔ وزیر ہوابازی خواجہ سعد رفیق کا کہنا تھا کہ گرمیوں کی چھٹیوں کے موقع پر سیاحتی مقامات کی پروازوں میں اضافہ کیا جارہا ہے۔ لاہور سے اب براہ راست اندرون و بیرون ملک سیاحتی مقامات تک رسائی فراہم کی جارہی ہے۔

خواجہ سعد رفیق نے مزید کہا کہ لاہور سے گلگت اور سکردو کی پروازیں بھی آپریٹ کی جا رہی ہیں اور اب باکو اور کوالالمپور کی پروازیں بھی لگا دی گئی ہیں۔ ان پروازوں کا مقصد لوگوں کو اپنی قومی ائیرلائن کے ذریعے براہ راست اور آرام دہ سفری سہولیات مہیا کرنا ہے۔

0 Reviews

Write a Review

Read Previous

فیس بک اور انسٹاگرام پر ویڈیوز اپ لوڈ کریں پیسے کمائیں

Read Next

پاپ سنگر مائیکل جیکسن کو مداحوں بچھڑے سے 13 برس بیت گئے

Leave a Reply

آپ کا ای میل ایڈریس شائع نہیں کیا جائے گا۔