• نومبر 29, 2022

پیپلز پارٹی بے آواز شہریوں کی طاقتور آواز بنی رہے گی، بلاول بھٹو

کراچی: چیئرمین پیپلز پارٹی بلاول بھٹو زرداری نے کہا ہے کہ پیپلز پارٹی بے آواز شہریوں کی طاقتور آواز بنی رہے گی۔

چیئرمین پیپلز پارٹی بلاول بھٹو زرداری نے عالمی یوم سماجی انصاف پر جاری کردہ بیان میں کہا کہ سماجی انصاف یقینی بنانا ہی ملک کو پرامن اور خوشحال بنانے کی چابی ہے اور سماجی انصاف ہی پیپلز پارٹی کے نظریے اور جدوجہد کا سنگ بنیاد ہے۔

انہوں نے کہا کہ ہم خواتین، مزدوروں اور کمزور طبقات کو باختیار بنانے کے لیے سرگرم ہیں جبکہ پیپلز پارٹی اپنے دور میں ہمیشہ عوام کو سماجی انصاف فراہم کرتی ہے۔ پیپلز پارٹی سماجی ناانصافیوں کے متاثرین کے لیے ایک امید ہے۔

بلاول بھٹو زرداری نے کہا کہ شہید بھٹو نے سماجی عدم مساوات کے خلاف تحریک چلائی اور بی بی شہید کو نوجوانوں کو روزگار دینے پر عدالتوں کے چکر لگوائے گئے۔ شہید محترمہ نے ملک میں زچہ و بچہ کی صحت کے لیے انقلابی اقدامات کیے۔

انہوں نے کہا کہ صدر آصف علی زرداری نے بینظیر انکم سپورٹ پروگرام کا آغاز کیا۔

چیئرمین پیپلز پارٹی نے کہا کہ پیپلز پارٹی 27 فروری سے عوامی لانگ مارچ شروع کرنے جا رہی ہے جو مہنگائی کے خلاف ہے۔ غریب عوام کو سلیکٹڈ حکومت نے غربت میں دھنسا دیا ہے۔

انہوں نے کہا کہ پیپلز پارٹی بے آواز شہریوں کی طاقتور آواز بنی رہے گی کیونکہ ہماری پارٹی کی بنیاد ہی ایک مقصد کے تحت رکھی گئی تھی۔ پاکستان کو پیپلز پارٹی ہی مسلم ممالک کا ایک رول ماڈل ملک بنائے گی۔

0 Reviews

Write a Review

Read Previous

صحافی اطہر متین کا اندوہناک قتل، واقعے کی نئی ویڈیوز منظرعام پر آ گئیں

Read Next

حجاب پر پابندی، کویتی پارلیمنٹ میں بھارت کیخلاف قرارداد پیش

Leave a Reply

آپ کا ای میل ایڈریس شائع نہیں کیا جائے گا۔