• مئی 25, 2022

پنجاب کی سیاست میں ہلچل: کپتان کے پرانے کھلاڑی ترین اور علیم کی جوڑی بن گئی

کپتان کے دو پرانے کھلاڑی جہانگیر ترین اور علیم خان عدم اعتماد کے میچ میں اہم جوڑی بن کر سامنے آ گئے۔

سابق صوبائی وزیر علیم خان آج ترین گروپ سے ملنے جہانگیر ترین کی رہائش گاہ جائیں گے، عدم اعتماد تحریک پر مشترکہ حکمت عملی سے متعلق اجلاس ہو گا جس میں جہانگیر ترین لندن سے ویڈیو لنک کے ذریعے شریک ہوں گے۔

اس تمام تر بدلتی صورت حال سے پنجاب میں نیا سیاسی محاذ کھل گیا ہے جبکہ مسلم لیگ ن کی سینئر قیادت بھی علیم خان سے رابطے میں ہے۔

ادھر ذرائع کا بتانا ہے کہ علیم خان ایک ماہ میں 10 وزراء سمیت 40 ارکان صوبائی اسمبلی سے رابطے کر چکے ہیں۔

ذرائع کا کہنا ہے کہ پنجاب میں جہانگیر ترین کے ساتھ 20 ایم پی اے ہیں، جہانگیرترین کے 20 ایم پی اے بھی اپوزیشن کا ساتھ دیں تو پنجاب میں عدم اعتماد ہو سکتا ہے۔

ذرائع کے مطابق جہانگیر ترین اور علیم خان گروپ 65 ارکان کی حمایت کا دعویٰ کرتے ہیں، دونوں مضبوط گروپ بناکر وزیراعلیٰ پنجاب کا مطالبہ رکھ سکتے ہیں۔

ذرائع کا بتانا ہے کہ ن لیگ کی جانب سے وفاق میں ترین گروپ سے حمایت کی کوئی بات نہیں کی گئی۔

Read Previous

پشاور مسجد دھماکا: خودکش حملہ آور کا نام اور پتہ سامنے آ گیا

Read Next

واٹس ایپ کونسے 3 زبردست فیچرز متعارف کرانے جارہا ہے؟

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے