• اکتوبر 30, 2020

پنجاب: مختلف علاقوں میں بارش، حادثات میں 2 بچوں سمیت 7 افراد جاں بحق

لاہور: پنجاب کے مختلف علاقوں میں بارش کے باعث چھتیں گرنے اور کرنٹ لگنے کے واقعات میں دو بچوں سمیت 7 افراد زندگی کی بازی ہار گئے، نشیبی علاقوں سے پانی نہ نکلا جاسکا، بجلی کا نظام بھی متاثر ہوا، دریائے چناب میں چنیوٹ کے مقام پر پانی کی سطح بلند ہو رہی ہے۔

ظفر وال شہر میں بھی بارش کے باعث سڑکیں تالاب بن گئیں، پانی گھروں میں داخل ہوگیا، لوگوں کی زندگی اجیرن ہوگئی۔ سڑکوں پر بھی کئی کئی فٹ پانی جمع ہے جس سے آمدورفت میں مشکلات ہیں۔ کرنٹ لگنے سے طالبعلم جاں بحق ہوگیا۔

وزیر آباد میں بھی طوفانی بارش ہوئی جہاں گھر کی چھت گرنے سے 2 بچے جاں بحق ہوگئے، صفدر آباد میں بارش کے باعث کلینک کی چھت گر گئی تاہم ڈاکٹر سمیت تمام افراد محفوظ رہے۔

دوسرے روز بھی دریائے چناب میں چنیوٹ کے مقام پر پانی کی سطح ایک لاکھ آٹھ ہزار کیوسک تک پہنچ گئی، فلڈ کنٹرول سینٹر کے مطابق ممکنہ سیلاب کے خطرے کے پیش نظر ہائی الرٹ جاری کر دیا گیا۔

ملحقہ بستیوں کو فوری طور پر حفاظتی انتظامات مکمل کرنے کی بھی ہدایت جاری کی گئیں، مختلف مقامات پر 4 فلڈ ریلیف کیمپ قائم کر دئیے گئے۔

0 Reviews

Write a Review

Read Previous

کراچی: بارش کے نتیجے میں حادثات، دیوار گرنے، کرنٹ لگنے سے 11 افراد جاں بحق

Read Next

بارشیں: اپر چترال کے ندی نالوں میں طغیانی، سیلاب سے 6 افراد جاں بحق، 8 زخمی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے