• جنوری 21, 2022

پنجاب حکومت کا بلوچستان کے علاقے رکھنی میں ہسپتال تعمیر کرنے کا فیصلہ

لاہور: وزیراعلیٰ عثمان بزدار کی خصوصی ہدایت پر پنجاب حکومت بلوچستان کے علاقے رکھنی میں ہسپتال تعمیر کرے گی۔ رکھنی میں ہسپتال کی تعمیر کیلئے آج مفاہمت کی یادداشت پر دستخط کئے جائیں گے۔

اس ضمن میں تقریب وزیراعلیٰ بلوچستان سیکرٹریٹ میں ہوگی۔ وزیراعلی پنجاب شریک ہوں گے۔ وزیراعلیٰ عثمان بزدار مفاہمتی یادداشت پر دستخط کی تقریب میں شرکت کیلئے آج کوئٹہ جائیں گے۔ رکھنی میں ہسپتال کے قیام کیلئے سیکرٹری محکمہ پرائمری اینڈ سیکنڈری ہیلتھ کیئر پنجاب اور سیکرٹری محکمہ صحت بلوچستان مفاہمت کی یادداشت پر دستخط کریں گے۔

وزیراعلیٰ عثمان بزدار کوئٹہ میں وزیراعلیٰ بلوچستان میر عبدالقدوس بزنجو سے ملاقات کریں گے۔ عثمان بزدار گورنر بلوچستان سید ظہو راحمد آغا سے بھی ملاقات کریں گے۔ وزیر اعلی پنجاب کا کہنا ہے کہ بلوچستان میں بسنے والے بھائیوں کیلئے محبت اور یکجہتی کا پیغام لے کر جا رہا ہوں۔

0 Reviews

Write a Review

Read Previous

ڈائٹنگ کے چکر میں موت کے منہ سے واپس آئی: مشال خان

Read Next

انسٹاگرام نے طویل ویڈیوز کی آزمائش شروع کردی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے