• اکتوبر 24, 2020

پنجاب حکومت نے شادی ہالز اور ریسٹورنٹس کھولنے کی سفارش کردی

پنجاب کی کابینہ کمیٹی برائے کورونا کا اجلاس ہوا جس میں  پنجاب حکومت نے شادی ہالز اور ریسٹورنٹس کھولنے کی سفارش کردی۔

بزنس سینٹرز، سیاحتی مقامات، سنیما اور تھیٹرز کھولنے کی بھی سفارش کی گئی ہے جبکہ  کھیلوں کی سرگرمیوں ، کلب اور پارکس کھولنے کی سفارش بھی کی گئی ہے۔

وزیر اطلاعات پنجاب فیاض چوہان کے مطابق پنجاب حکومت نے نیشنل کمانڈ اینڈ آپریشن سینٹر (این سی او سی) کو اپنی سفارشات بھیج دی ہیں۔

ایوانِ وزیراعلیٰ لاہور میں وزیراعلیٰ پنجاب عثمان بزدار کی ہدایت پر انسداد ِکورونا کابینہ کمیٹی کا اجلاس ہوا، جس میں کورونا وائرس کی صورتحال اور اس کاپھیلاؤ روکنے کے حوالے سے مختلف اقدامات کے بارے میں بریفنگ دی گئی۔

کابینہ کمیٹی نے کورونا کی موجودہ صورتحال کو دیکھتے ہوئےوفاقی حکومت کو ایس او پیز کے تحت شادی ہالز، ریسٹورنٹس، سیاحتی مراکز ، سینما ، تھیٹرز ، کلبز، پارکس، کاروباری مراکز اور کھیلوں کے میدان کھولنے کی سفارش کی۔

وزیر اطلاعات پنجاب فیاض الحسن چوہان کہتےہیں کہ اس سلسلےمیں حتمی فیصلہ این سی اوسی کے اجلاس میں کیاجائےگا۔

خیال رہے کہ ملک بھر کی طرح پنجاب میں بھی کورونا وائرس کی وجہ سے مارچ کے مہینے سے اسکولز، شادی ہالز، سنیما، ریسٹورنٹس اور پارک وغیرہ بند ہیں جبکہ 9 مئی سے ملک بھر میں سخت لاک ڈاؤن ختم کرکے اسمارٹ لاک ڈاؤن نافذ کیا گیا تھا جس کے تحت کاروباری مراکز کو مخصوص اوقات میں ایس او پیز کے ساتھ کاروبار کھولنے کی اجازت دی گئی تھی۔

اب چونکہ ملک میں کورونا کیسز کا گراف نیچے جارہا رہا ہے لہٰذا کاروبار کو مکمل بحال اور شادی ہالز، ریسٹورنٹس اور اسکولز کھولنے کیلئے بھی دباؤ بڑھتا جارہا ہے۔

0 Reviews

Write a Review

Read Previous

وزیر خارجہ شاہ محمود کے زیر صدارت آل پارٹیز کانفرنس، یوم استحصال پر بریفنگ

Read Next

صدر مملکت کا دنیا کے مقابلہ کیلئے مصنوعی ذہانت اورانفارمیشن ٹیکنالوجی کو فروغ دینے پرزور

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے