• جون 14, 2021

پنجاب بھر کے تمام سرکاری اور پرائیویٹ تعلیمی ادارے 29 اپریل سے بند

حکومت پنجاب نے عالمی وبا کورونا وائرس کی تیسری لہر کی شدت میں اضافے کے پیش نظر صوبے بھر کے تمام سرکاری اور پرائیویٹ تعلیمی ادارے 29 اپریل سے بند کرنے کا فیصلہ کیا گیا ہے۔

اس حوالے سے وزیرتعلیم پنجاب مراد راس کا کہنا ہے کہ صوبے بھر میں تمام تعلیمی ادارے عیدالفطر تک بند رہیں گے۔

یاد رہے کہ لاہور، راولپنڈی، ملتان، فیصل آباد سمیت پنجاب کے 24 اضلاع میں تعلیمی ادارے پہلے ہی بند ہیں۔

خیال رہے کہ ملک میں بڑھتے ہوئے کورونا کیسز کے باعث وفاقی حکومت نے 15 جون تک تمام امتحانات بشمول او اور اے لیول کے جاری امتحانات 15 جون تک منسوخ کردیے ہیں۔

وزیر اعظم کے معاون خصوصی برائے صحت ڈاکٹر فیصل سلطان کے ہمراہ پریس کانفرنس کرتے ہوئے وفاقی وزیر تعلیم شفقت محمود نے کہا ہے کہ 15 جون تک تمام امتحانات منسوخ کردیئے گئے ہیں۔

انہوں نے کہا کہ مئی میں ہونے والےانٹر کے امتحانات بھی ملتوی کردیے ہیں۔ مئی کے تیسرے ہفتے میں حالات کا دوبارہ جائزہ لیں گے اور پھر فیصلہ کیا جائے گا۔

شفقت محمود نے کہا کہ اے اور او لیول کے امتحانات اکتوبر اور نومبرمیں ہونگے۔ مشکل وقت میں کوئی بھی فیصلہ آسان نہیں ہوتا۔

انہوں نے کہا کہ 18 اپریل کو ہم نے این سی او سی کا جو آخری اجلاس کیا تھا اس میں فیصلہ کیا گیا تھا کہ امتحانات کا سلسلہ جاری رکھا جائے گا لیکن اس کے بعد سے 27 اپریل تک کیسز میں بہت تیزی سے اضافہ ہوا ہے۔

انہوں نے کہا کہ اسد عمر کی زیر صدارت ہونے والے این سی او سی اجلاس میں یہ متفقہ فیصلہ کیا گیا کہ 15 جون تک کوئی امتحان نہیں ہوں گے۔

شفقت محمود نے کہا کہ آج سے لے کر 15 جون تک کوئی امتحان نہیں ہو گا اور نویں سے 12 ویں جماعت کے جن امتحانات کو مئی کے آخر میں شروع ہونا تھا ، انہیں مزید ملتوی کردیا گیا ہے اور 15 جون تک کوئی امتحان نہیں ہو گا۔

انہوں نے کہا کہ ہم حالات کا جائزہ لیتے رہیں گے اور مئی کے وسط یا تیسرے ہفتے میں بیماری کا جائزہ لے کر فیصلہ کیا جائے گا کہ ان امتحانات کو اور آگے لے کر جانا ہے یا ان کا آغاز کرنا ہے۔

ان کا کہنا تھا کہ اگر 15 جون کے بعد امتحانات ہوتے ہیں تو یہ جولائی سے اگست تک طوالت اختیار کر سکتے ہیں۔

انہوں نے کہا کہ او لیول کے امتحان بھی کینسل کر دیے گئے ہیں جو اب اکتوبر نومبر کی سائیکل میں ہوں گے اور اسی طرح اے ایس کے امتحان بھی اب اکتوبر نومبر میں ہوں گے۔

0 Reviews

Write a Review

Read Previous

ایپل نے تیز رفتار نیا آئی پیڈ پرو متعارف کرا دیا

Read Next

Islam ka Safar | Aymen Butt & Muhammad Riaz Khan

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے