• جولائی 30, 2021

پاک افغان طور خم بارڈر پر آج سے ہر قسم کی آمدورفت بند رہے گی: شیخ رشید

اسلام آباد: وزیر داخلہ شیخ رشید نے کہا ہے کہ این سی او سی کی تجویز پر آج سے طورخم بارڈر پر ہر قسم کی روانگی اور آمد بند رہے گی، طورخم بارڈر پر امیگریشن این سی او سی کی نئی گائیڈ لائنز تک بند رہے گی۔

ادھر نیشنل کمانڈ اینڈ آپریشنز سنٹر نے کورونا وبا کے ایس او پیز کی خلاف ورزیوں پر تشویش کا اظہار کیا ہے۔ این سی او سی نے پابندیاں سخت کرنے کا عندیہ دے دیا۔

وفاقی وزیر برائے منصوبہ بندی اسد عمر کی صدارت میں این سی او سی کا اجلاس ہوا۔ اجلاس میں بتایا گیا کہ یہ خلاف ورزیاں ریسٹورنٹ، ان ڈور جمنیزیم، شادی ہال، ٹرانسپورٹ، بازاروں، سیاحت اور دیگر سیکٹرز میں دیکھی گئیں۔

این سی او سی کے اعلامیے کے مطابق ایس او پیز پر عملدرآمد نہ ہونے کی صورت میں سخت پابندیوں کا فیصلہ کیا جا سکتا ہے۔ تمام چیف سیکرٹریز پر مشتمل خصوصی اجلاس بلا لیا گیا ہے۔ جس میں ایس او پیز کی خلاف ورزیوں کا جائزہ لیا جائے گا۔

0 Reviews

Write a Review

Read Previous

ایمن سلیم نے اداکاری سے کنارہ کشی کا اعلان کردیا

Read Next

نائجیریا: مسلح حملہ آوروں نے 140 سے زائد طلبہ کو اغوا کر لیا، 26 بازیاب

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے