• اکتوبر 27, 2020

پاکستان کو گلوبل اسلامک لیڈر شپ ایوارڈ سے نواز دیا گیا

اسلام آباد: پاکستان کو اسلامی مالیاتی نظام کے فروغ کی کوششوں کے اعتراف میں گلوبل اسلامک لیڈر شپ ایوارڈ سے نوازا گیا ہے۔

صدر مملکت نے اس بات کو خوش آئند قرار دیا کہ پاکستان کے بینکنگ کے شعبے کا17 فیصد نظام شرعی اصولوں پر تبدیل ہو چکا ہے۔ انہوں نے کہا کہ حال ہی میں توانائی کے شعبے میں سکوک بانڈ جاری کئے گئے ہیں۔

صدر عارف علوی نے ملک میں اسلامی بینکاری کے فروغ میں مرکزی بینک اور سیکورٹیز ایکسچینج آف پاکستان کے کردار کو سراہا۔ انہوں نے اسلامی مالیاتی نظام کے بنیادی اصولوں پر عملدرآمد کرنے پر زور دیا جس سے ہم آہنگی اور مساوات پر مبنی معاشرے کے قیام میں مدد ملے گی۔

انہوں نے کہا کہ صداقت شفافیت مساوات انصاف اور سماجی ہم آہنگی اسلامی مالیاتی نظام کے بنیادی اصول ہیں۔ انہوں نے کہا کہ اسلامی مالیاتی نظام کا بنیادی مقصد غریب لوگوں کو غربت سے نکالنا ہونا چاہیے۔

گورنر سٹیٹ بینک نے کہا کہ مرکزی بینک عوام میں اسلامی مالیاتی نظام سے متعلق آگاہی پیدا کرنے کیلئے بھی اپنا کردار ادا کر رہا ہے۔ سٹیٹ بینک کو اسلامی بینکاری کے فروغ پر سال کا بہترین مرکزی بنک بھی قرار دیا گیا ہے۔

0 Reviews

Write a Review

Read Previous

زیادتی کی شکار خاتون سے متعلق بیان: سی سی پی او لاہور نے معافی مانگ لی

Read Next

ایم ایل ون منصوبہ پاکستان کی معیشت کو فروغ دیگا، وزیر ریلوے شیخ رشید

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے