• نومبر 24, 2020

پاکستان کو کرپشن فری بنانے کیلئے پر عزم ہیں،چیئرمین نیب

اسلام آباد:قومی احتساب بیورو (نیب) کے چیئرمین جسٹس ریٹائرڈ جاوید اقبال نے کہا ہے کہ پاکستان کو کرپشن فری بنانے کے لیے پرعزم ہیں۔ تفصیل کے مطابق چیئرمین نیب جسٹس ریٹائرڈ جاوید اقبال کے زیر صدارت نیب ہیڈ کوارٹرز میں اہم اجلاس ہوا جس میں قومی ادارے کی مجموعی کارکردگی اور کیسز کا جائزہ لیا گیا۔ اس موقع پر انے خطاب میں چیئرمین قومی احتساب بیورو کا کہنا تھا کہ کرپشن کے خاتمے کی حکمت عملی کے بہترین نتائج سامنے آ رہے ہیں۔ نیب صرف دس ماہ میں وائٹ کالر کرائم کیسز کو منطقی انجام تک پہنچاتا ہے۔ چیئرمین جاوید اقبال نے کہا کہ نیب نے سٹیٹ آف آرٹ فارنزک سائنس لیبارٹری قائم کی۔ کرپشن کا خاتمہ اور لوٹی ہوئی رقم کی واپسی نیب کی اولین ترجیح ہے۔ ڈی جی نیب کا اجلاس کو بریفنگ دیتے ہوئے کہنا تھا کہ 179 میگا کرپشن کیسز میں سے 97 کرپشن ریفرنسز احتساب عدالتوں میں دائر کر دیے گئے ہیں جبکہ 57 کرپشن ریفرنسز کو منطقی انجام تک پہنچایا جا چکا ہے۔ میگا کرپشن کیسز کی 10 انکوائریز اور 15 انوسٹی گیشنز جاری ہیں۔

0 Reviews

Write a Review

Read Previous

پی ایس ایل میچز: ڈوپلیسی سمیت 21 غیر ملکی کرکٹرز پاکستان آنے کیلئے تیار

Read Next

پاکستان نے 27 فروری کا بھارتی بیانیہ قابل تعریف انداز میں تباہ کیا: سابق بھارتی جنرل

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے