• مئی 25, 2022

پاکستان میں کورونا کا پہلا کیس رپورٹ ہوئے 2 سال مکمل

پاکستان میں عالمی وبا کورونا وائرس کا پہلا کیس رپورٹ ہوئے 2 سال ہوگئے۔

پاکستان میں 26 فروری 2020 کو کراچی میں کورونا کے پہلے کیس کی تصدیق ہوئی،کورونا سے متاثرہ شخص صحتیاب ہو گیا تاہم مارچ کے دوسرے ہفتے تک کورونا کے کیسز وفاق سمیت چاروں صوبوں سے بھی سامنے آنے لگے۔

ملک میں کورونا کے باعث پہلی ہلاکت کی تصدیق 17 مارچ 2020 کو کی گئی۔

پہلی لہر میں کورونا کے سب سے زیادہ کیس جون میں رپورٹ ہوئے جس کے بعد بڑھتے کورونا کیسز اور اموات کے باعث ماحول میں خوف بڑھتارہا۔

دنیا بھر کی طرح پاکستانی عوام نے بھی کورونا کی 5 لہروں کا سامنا کیا ،اب تک 15 لاکھ  سے زائد کورونا کیسز رپورٹ ہوچکے ہیں جن میں سے 14 لاکھ  سے زائد افراد صحتیاب ہوئے جب کہ پاکستان میں کورونا سے اموات 30 ہزار سے تجاوز کرچکی ہیں۔

این سی او سی کے مطابق پنجاب میں 5 لاکھ سے زائد کورونا کیسز رپورٹ ہوئے اور سب سے زیادہ اموات ہوئیں جن کی تعداد 13 ہزار سے زائد ہے۔

اس  کےعلاوہ  سندھ میں بھی کورونا کے 5  لاکھ66 ہزار سے زائد کیسز رپورٹ ہوچکے ہیں  جب کہ8 ہزار سے زائد افراد انتقال کرچکے ہیں۔

کورونا پر قابو پانے کے لیے پاکستان میں انسداد کورونا ویکسین کا آغاز تقریباً ایک سال بعد  2 فروری 2021 کو شروع ہوا ، اب تک ملک میں ویکسین کی اہل آبادی کو مجموعی طور پر 21 کروڑ 22 لاکھ سے زائد خوراکیں لگائی جا چکی ہیں۔

Read Previous

پاکستانی سفارتخانے کا جنگ زدہ کیف میں پھنسی پاکستانی لڑکی کی مدد سے انکار

Read Next

روس نے یوکرین پر حملے سے متعلق سلامتی کونسل کی قرارداد ویٹو کر دی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے