• اکتوبر 26, 2021

پاکستان سیاحت، کھیلوں کیلئے مکمل طور پر محفوظ ملک ہے: آرمی چیف

راولپنڈی: آرمی چیف جنرل قمر جاوید باجوہ نے کہا ہے کہ پاکستان سیاحت، کھیلوں اور تجارتی سرگرمیوں کیلئے مکمل طور پر محفوظ ملک ہے۔ افغان عوام کا مستحکم اور خوشحال مستقبل یقینی بنانے کیلئے تعاون جاری رکھیں گے۔

آرمی چیف جنرل قمر جاوید باجوہ سے یونان کے سفیر نے جنرل ہیڈ کوارٹرز راولپنڈی میں ملاقات کی، جس میں علاقائی سلامتی، افغانستان کی صورتحال اور دو طرفہ تعاون پرتبادلہ خیال کیا گیا۔

آئی ایس پی آر کے مطابق اس موقع پر آرمی چیف جنرل قمر جاوید باجوہ نے کہا کہ پاکستان علاقائی امن کے لئے عالمی شراکت داروں کے ساتھ تعاون کیلئے پرعزم ہے، افغان عوام کا مستحکم اور خوشحال مستقبل یقینی بنانے کیلئے تعاون جاری رکھیں گے، باہمی مفاد کے شعبوں میں صحت مندانہ سرگرمیوں کے تبادلے کی حوصلہ افزائی کرتے رہیں گے۔

اس موقع پر یونانی سفیر نے کہا کہ کورونا وباء پر قابو پانے کیلئے پاکستان کی کوششیں قبل تعریف ہیں، افغانستان کی صورتحال، غیر ملکیوں کے انخلا اور علاقائی امن و سلامتی کے لئے پاکستان کا کردار قابل ستائش ہے۔

0 Reviews

Write a Review

Read Previous

‘نیوزی لینڈ اور انگلینڈ کے دوروں کی منسوخی سے پی ٹی وی کو کروڑوں کا نقصان ہوا’

Read Next

‘ملکی کرکٹ کیلئے کسی کے آگے جھکنا نہیں، ویسٹرن بلاک ہمیشہ اپنا مطلب نکالتا ہے’

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے