• مئی 26, 2022

پاکستانی سفارتخانے کا جنگ زدہ کیف میں پھنسی پاکستانی لڑکی کی مدد سے انکار

یوکرین میں پاکستانی سفارت خانے نے کیف کے مضافات میں پھنسی پاکستانی لڑکی کی مدد سے انکار کر دیا۔

آمنہ حیدر کا کہنا ہے کہ کیف سے 20 کلومیٹر دور ایک گاؤں میں دوست کے گھر پناہ لیے ہوئے ہوں، پاکستانی سفارت خانے سے نکلنے والی بس نے مجھے پک کرنے سےانکار کر دیا، کیف جانے والے راستے بند ہیں اور میرے پاس ٹرانسپورٹ نہیں کہ کیف پہنچ سکوں۔

پاکستانی لڑکی کا کہنا ہے کہ سفارت خانے نےکہا صبح ٹرنوپل نہ پہنچی تو وہ مدد نہیں کریں گے، کل چلنے والی بس کے بعد اگلی بس کب چلے گی سفارت خانے کو بھی اس کا نہیں پتہ ہے۔

سفارت خانے کے حکام نے آمنہ حیدر سے مکالمہ کرتے ہوئے کہا کہ آپ کو سفارت خانے پہنچنا پڑے گا ورنہ ہم نہیں بچا سکیں گے، اگلی کوئی بس نہیں ہے، آپ آسکتی ہیں تو ٹھیک ہے۔

آمنہ حیدر نے سفارت خانے کے حکام سے کہا میں تو یہاں پر پھنس جاؤں گی، جس پر سفارت خانے کے حکام نے جواب دیا کہ ’’آئی ایم سوری‘‘ ہم کچھ نہیں کر سکتے۔

Read Previous

فیس بک کا تمام زبانوں کا ترجمہ کرنے والا فیچر متعارف کرانے کا فیصلہ

Read Next

پاکستان میں کورونا کا پہلا کیس رپورٹ ہوئے 2 سال مکمل

Leave a Reply

آپ کا ای میل ایڈریس شائع نہیں کیا جائے گا۔