• دسمبر 8, 2021

پارلیمنٹ کے مشترکہ اجلاس میں قانون سازی کے وقت غلط گنتی کی گئی: سعید غنی

کراچی: سعید غنی نے کہا ہے کہ پارلیمنٹ کے مشترکہ اجلاس میں قانون سازی کے وقت غلط گنتی کی گئی، اسپیکر نے مردم شماری کا معاملہ تاخیر کا شکار کیا۔

وزیر اطلاعات سندھ سعید غنی نے کراچی میں میڈیا سے گفتگو کرتے ہوئے کہا کہ سندھ سے 5 ڈی آئی جی نکالے گئے جو کسی اور صوبے میں چلے گئے، وفاقی حکومت 22 میں سے 12 افسران کو دوسرے صوبے میں بھیج رہی ہے، مشاورت کے بغیر افسران کو کسی اور صوبے میں بھیجا جا رہا ہے، وفاقی حکومت سندھ میں گورننس خراب کرنا چاہتی ہے۔

سعید غنی کا کہنا تھا کہ پنجاب، خیبرپختونخوا میں آئی جی اور چیف سیکرٹری تبدیل ہونے میں وقت نہیں لگتا، ہم اپنے عوام اور اسمبلی کو جوابدہ ہیں، وفاقی حکومت کو نہیں، ہمیں وفاقی حکومت پتھر کے زمانے میں لے جا رہی ہے۔ انہوں نے کہا کہ زندگی میں کبھی نہیں سنا کہ گیس دن میں 3 وقت آئے گی، پی ٹی آئی کے اتحادیوں نے کلبھوشن کو این آر او دینے کی بھی حمایت کی۔

0 Reviews

Write a Review

Read Previous

بلاول بھٹو کی پاکستان سمیت دنیا بھر میں آباد سکھ برادری کو گرونانک کے یومِ پیدائش کی مبارکباد

Read Next

بدقسمتی سے کم آمدنی والے افراد کیلئے کسی حکومت نے کچھ نہیں کیا: وزیراعظم

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے