• جولائی 28, 2021

ٹک ٹاکرز کے لیے خوشخبری: ویڈیو کا دورانیہ بڑھا دیا گیا

اسلام آباد: ٹک ٹاک نے اپنے مد مقابل ایپلیکیشنز سے سبقت لینے کے لیے ویڈیو کا دورانیہ بڑھا دیا ہے۔ ٹک ٹاک نے اب ویڈیو کا دورانیہ تین منٹ کردیا ہے جو پہلے سے تین گنا زیادہ ہے۔

ٹک ٹک کی جانب سے کیے جانے والے اعلان سے دنیا بھر میں تقریباً ایک ارب صارفین کو فائدہ پہنچے گا۔ ٹک ٹاک کے ایک ارب صارفین میں سے صرف 10 کروڑ کا تعلق امریکہ سے ہے۔

عالمی خبررساں ایجنسی کے مطابق ٹاک ٹاک کے پروڈکٹ مینیجر ڈریو کرچوف کا کہنا ہے کہ طویل ویڈیوز کے ذریعے ٹک ٹاکرز کو اس پلیٹ فارم پر بہتر مواد بنانے کا موقع ملے گا۔

ڈریو کرچوف کے مطابق پہلے ویڈیوز کا دورانیہ صرف ایک منٹ تھا اور آئندہ ہفتوں میں دنیا بھر میں صارفین طویل ویڈیوز بنا سکیں گے۔

ٹک ٹاک کے پروڈکٹ منیجر نے کہا کہ کچھ  لوگ شاید پہلے ہی تین منٹ کی ویڈیوز بنا رہے ہوں کیونکہ ہم نے دنیا بھر میں صارفین کو تجرباتی ویڈیوز بنانے کا موقع دینا شروع کر دیا ہے۔

ٹک ٹاک چین کی بائٹ ڈانس کی ملکیت ہے اور یہ دنیا میں مقبول ترین سوشل میڈیا ایپس میں سے ایک ہے لیکن اسے یوٹیوب اور ٹرلر سمیت دیگر حریفوں کا بھی سامنا ہے۔

انسٹاگرام کے سربراہ ایڈم موسیری نے گزشتہ روز سماجی رابطے کی ویب سائٹ ٹوئٹر پر لکھا تھا کہ مستقبل قریب میں ویڈیوز میں تبدیلی آ رہی ہے۔ انہوں نے کہا تھا کہ آئندہ مستقبل میں ٹک ٹاک اور یوٹیوب بڑے حریف ہیں۔

انہوں نے کہا تھا کہ انسٹاگرام کے نئے فیچرز جلد آ رہے ہیں جن میں ویڈیوز، میسجنگ، کریٹرز اور شاپنگ جیسے فیچرز شامل ہوں گے۔

0 Reviews

Write a Review

Read Previous

افغانستان سے تمام فوجیوں کا انخلا چند دنوں میں نہیں ہوگا، جو بائیڈن

Read Next

ڈھائی لاکھ سے زائد لوگوں کا مفت علاج، وزیراعظم کی کے پی حکومت کو مبارکباد

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے