• ستمبر 20, 2021

ٹوکیو اولمپکس میں شریک بیلاروس کی خاتون ایتھلیٹ کا واپسی سے انکار

ٹوکیو:  ٹوکیو اولمپکس میں شریک بیلا روس کی ایک ایتھلیٹ کرسٹینا سیمانوسکایا نے وطن واپسی سے انکار کرتے ہوئے جاپانی حکام سے مدد طلب کر لی ہے۔

غیر ملکی خبر رساں ادارے میں شائع خبر کے مطابق کرسٹینا سیمانوسکایا نے ایئرپورٹ پر جاپانی پولیس سے مدد طلب کرتے ہوئے کہا کہ انھیں زبردستی بیلاروس واپس لے جایا جا رہا ہے، وہ ایسا نہیں کرنا چاہتیں۔

کہا جا رہا ہے کہ بیلا روس کی ٹیم کرسٹینا سیمانوسکایا کو ان مرضی کیخلاف وطن واپسی کیلئے ایئرپورٹ لے کر گئی لیکن انہوں نے جہاز پر سوار ہونے سے انکار کرتے ہوئے پولیس کو طلب کر لیا۔

انٹرنیشنل اولمپک کمیٹی کی جانب سے جاری بیان میں کہا گیا ہے کہ کرسٹینا سیمانوسکایا ٹوکیو میں محفوظ ہیں۔

جاپان کے اپوزیشن رہنما اشیکاوا نے کہا ہے کہ انہوں نے بیلاروسی ایتھلیٹ سے ملاقات کی کوشش کی لیکن پولیس نے ایسا کرنے سے انکار کر دیا ہے۔

خیال رہے کہ بیلاروس سابق سوویت یونین کی ریاست ہے جہاں صدر الیگزینڈرلوکاشینکو 1994ء سے اقتدار میں ہیں۔ انہیں گزشتہ سال 2020ء سخت احتجاج کا سامنا کرنا پڑا تھا جن میں کچھ ایتھلیٹس بھی شریک ہوئے تھے۔

0 Reviews

Write a Review

Read Previous

کوئی گالیاں دیکر جمہوری حق استعمال کرنے سے نہیں روک سکتا: مہوش حیات

Read Next

عامر لیاقت ٹریفک پولیس اہلکار سے الجھ پڑے، ویڈیو ٹویٹ کردی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے