• ستمبر 26, 2022

ون ڈے رینکنگ: بابر اعظم کی حکمرانی بدستور برقرار

لاہور: انٹرنیشنل کرکٹ کونسل (آئی سی سی) کی ون ڈے رینکنگ میں قومی ٹیم کے کپتان بابر اعظم کی حکمرانی بدستور برقرار ہے۔

گزشتہ روز نیدر لینڈز کے خلاف پہلے ون ڈے میچ میں 74رنز کی اننگز کھیلنے والے بابر اعظم کی ون ڈے رینکنگ میں نمبر ون پوزیشن مستحکم ہو گئی ہے اور وہ 891 ریٹنگ پوائنٹس کے ساتھ پہلے نمبر پر برقرار ہیں۔

امام الحق کا بھی ون ڈے رینکنگ میں دوسرا نمبر برقرار ہے جبکہ فخر زمان بھی بدستور 11ویں نمبر پر موجود ہیں، ون ڈے باؤلرز میں نیوزی لینڈ کے ٹرینٹ بولٹ کا پہلا نمبر ہے جبکہ بھارت کے جسپریت بمراہ رینکنگ میں دوسرے نمبر پر موجود ہیں، پاکستان کے شاہین شاہ آفریدی 2 درجے تنزلی کے بعد پانچویں نمبر پر آگئے ہیں جبکہ آسٹریلیا کے جوش ہیزل وڈ تیسرے اور افغانستان کے مجیب الرحمان چوتھے نمبر پر آ گئے ہیں۔

بنگلا دیش کے شکیب الحسن ون ڈے آل راؤنڈرز میں پہلے نمبر پر موجود ہیں۔

ٹی 20 بیٹرز کی رینکنگ میں بھی پاکستان کے کپتان بابر اعظم کی پہلی پوزیشن برقرار ہے جبکہ دوسرے نمبر پر بھارت کے سوریا کمار یادیو موجود ہیں، محمد رضوان کا تیسرا نمبر ہے۔

0 Reviews

Write a Review

Read Previous

کیلیفورنیا: مودی کی پالیسیوں کیخلاف مظاہرہ کر نیوالوں پر ہندو انتہا پسندوں کا دھاوا

Read Next

پی ایس بی کا پی ایچ ایف انتخابات سے لاتعلقی کا فیصلہ

Leave a Reply

آپ کا ای میل ایڈریس شائع نہیں کیا جائے گا۔