• جنوری 17, 2022

وفاق کیساتھ تنازع، وزیراعلیٰ سندھ نے 11 پولیس افسران کو چارج چھوڑنے سے روک دیا

کراچی: وفاق کے ساتھ تنازع کے بعد وزیراعلیٰ سندھ سیّد مراد علی شاہ نے تمام ڈی آئی جیز اور پی اے ایس افسران کو چارج چھوڑنے سے روک دیا۔

روٹیشن پالیسی کے تحت سندھ پولیس کے 11 افسران کے تبادلوں کے معاملے پر وفاق اور وزیر اعلی سندھ سیّد مراد علی شاہ ایک مرتبہ پھر آمنے سامنے آ گئے ہیں، وزیراعلیٰ نے نیا حکم نامہ جاری کرتے ہوئے تمام ڈی آئی جیز اور پی اے ایس افسران کو چارج چھوڑنے سے روک دیا ہے۔

حکمنامہ میں کہا گیا ہے کہ افسران اگلے حکم تک اپنے عہدوں پر کام کرتے رہیں، وزیر اعلیٰ کے حکم پر عملدرآمد کیا جائے۔

یاد رہے کہ وفاق نے تمام افسران کو چارج چھوڑ کر رپورٹ کرنے کا تحریری حکم نامہ جاری کیا تھا۔

خیر پور میں میڈیا سے گفتگو کرتے ہوئے مراد علی شاہ نے کہا کہ وفاق سے کہا قانون کے مطابق ٹرانسفر، پوسٹنگ ہونی چاہئیں، مجھ سے کبھی وزیراعظم عمران خان نے صلاح مشورہ نہیں کیا، افسران کے تبادلوں کے معاملے پر ہم نے یہی کہا کہ قانون کی پیروی کریں۔ 2020ء میں قانون پاس ہوا تھا کہ مشاورت سے تبادلے ہونگے، وزیراعظم،وزیراعلیٰ کوافسران کے تبادلوں پرمشاورت کرنی چاہیے۔ کابینہ میں فیصلہ کیا ہے ہم پروپوزل دیں گے، چیف منسٹرکا اختیارہے ایک ماہ تک پروپوزل کا جواب دے گا۔ عمران خان کو کہنا چاہتے ہیں کہ افسران کے تبادلوں پر نظرثانی کریں۔

0 Reviews

Write a Review

Read Previous

سٹیٹ بینک، سعودی فنڈز میں 3 ارب ڈالرکی فراہمی کا معاہدہ طے پا گیا

Read Next

ناجائز منافع خوری میں ملوث عناصر کیخلاف قانونی کارروائی کی جائے: وزیراعظم

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے