• اپریل 14, 2021

وفاق کو سندھ کے اسپتالوں پر قبضہ نہیں کرنے دیا جائیگا، شازیہ مری

پاکستان یپلز پارٹی کی مرکزی سیکریٹری اطلاعات اور رکن قومی اسمبلی شازیہ مری نے کہا ہے کہ وفاقی حکومت کی جانب سے سندھ کے اسپتالوں پر قبضے کی مذمت کرتے ہیں۔ وفاق کو سندھ کے اسپتالوں پر قبضہ نہیں کرنےدیا جائے گا۔

ایک بیان میں  شازیہ مری نے کہا کہ وفاق کی جانب سے کبھی سندھ کے جزیرے اور کبھی سندھ کے اسپتالوں پر قبضے کی کوشیشیں کی جارہی ہیں، یہ تماشہ نہیں چلے گا۔

انہوں نے کہا کہ سندھ حکومت قومی ادارہ برائے امراض قلب (این آئی سی وی ڈی) اور دیگراسپتال بہترین طریقے سے چلا رہی ہے۔ اندرون اور بیرونِ ملک سے لوگ علاج کیلئے کراچی کے اسپتالوں میں آتے ہیں۔

شازیہ مری نے کہا کہ ان اسپتالوں میں غریب اور متوسط طبقے کیلئے مفت اور معیاری علاج ہوتا ہے۔ اسپتالوں کی نجکاری کر کے مفت علاج کی سہولت چھینی جا رہی ہے۔

انہوں نے کہا کہ پہلے ہر چیز مہنگی کی اور اب علاج کو بھی مہنگا کرنے کی منصوبہ بندی کی جا رہی ہے۔ وفاقی حکومت کی نااہلی کی وجہ سے ملک کا ہر شعبہ متاثر ہو رہا ہے۔

شازیہ مری نے کہا کہ وفاقی حکومت نے اسلام آباد کے پمز اسپتال اور پولی کلینک اسلام آباد کا جو حال کیا ہے، سب کو پتہ ہے۔ 8 سال میں پاکستان تحریک انصاف کی حکومت نے خیبرپختونخوا میں کتنے معیاری اسپتال قائم کیے ہیں؟

0 Reviews

Write a Review

Read Previous

جنرل ندیم رضا کی عراقی وزیر دفاع چیف آف سٹاف اور فضائیہ کے سربراہ سے ملاقاتیں

Read Next

اسٹیٹ بینک نے آئندہ دو ماہ کیلئے مانیٹری پالیسی کا اعلان کر دیا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے