• اپریل 18, 2021

وزیر اعظم عمران خان نے بطور کرکٹر اپنے کارنامے سوشل میڈیا پر شیئر کردیے

1992 کا ورلڈ کپ جیتنے والی پاکستانی ٹیم کے کپتان اور موجودہ وزیر اعظم پاکستان عمران خان نے  بطور کرکٹر اپنے کارنامے سوشل میڈیا پر شیئر کردے ہیں۔

عمران خان نے سماجی رابطوں کی ویب سائٹ فیس بک پر ایک تصویر شیئر کی جس میں وہ لیجنڈری کرکٹرز کے ساتھ کھڑے ہیں۔

عمران خان نے تصویر کےساتھ تحریر کیا کہ 1982 میں روایتی حریف بھارت کے خلاف ہوم سیریز میں 6 ٹیسٹ میچوں میں 13.95 کی اوسط سے 40 وکٹیں لیں۔

قومی کرکٹ ٹیم کے سابق کپتان نے لکھا کہ مجھے اسٹریس فریکچر کا سامنا کرنا پڑا جس کی وجہ سے میں 2 سال کرکٹ سے دور رہا۔

انہوں نے تحریر کیا کہ 1983 میں میں نے وسڈن کرکٹر آف دا ایئر کا اعزاز حاصل کیا جبکہ 1985 میں سسیکس کرکٹ سوسائٹی پلیئر آف دا ایئر قرار پایا۔

قومی کرکٹ ٹیم کے سابق کپتان نے لکھا کہ 1987 میں کرکٹ سے ریٹائرمنٹ لے لی اور 1988 میں ٹیم میں واپس آیا۔

وزیر اعظم عمران خان نے ٹوئٹر پیغام میں لکھا کہ انٹرنیشنل کرکٹ کونسل کی صد سالہ تقریبات کے موقع پر میرا شمار آئی سی سی کے ہال آف فیم میں شامل 55 کرکٹرز میں کیا گیا۔

آخر میں انہوں نے لکھا کہ 1992 میں ورلڈ کپ میں جیتنے والی پاکستانی ٹیم کی قیادت کی۔

0 Reviews

Write a Review

Read Previous

جو بائيڈن کا مغربی ایشیا سے فوجیوں اور فوجی ساز و سامان کے ایک حصے کے انخلا کا حکم

Read Next

محمد یوسف کی 6 سالہ کرکٹر کیلئے مفید ٹِپس

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے