• نومبر 1, 2020

وزیراعلیٰ پنجاب کا ملتان میں جنوبی پنجاب سیکرٹریٹ بنانے کا اعلان

ملتان: وزیراعلیٰ پنجاب عثمان بزدار کا کہنا ہے کہ جنوبی پنجاب کے رہنے والوں کو کام کے سلسلے میں لاہور نہیں آنا پڑے گا۔ تفصیلات کے مطابق وزیراعلیٰ پنجاب عثمان بزدار نے ملتان میں متی تل روڈ پر جنوبی پنجاب سیکرٹریٹ بنانے کا اعلان کیا ہے جو 500 کنال اراضی پر محیط ہوگا۔ انہوں نے کہا کہ جنوبی پنجاب کے رہنے والوں کو کام کے سلسلے میں لاہور نہیں آنا پڑےگا،جنوبی پنجاب کے رہائشیوں کے مسائل مقامی سطح پر حل ہوں گے۔عثمان بزدار نے ملتان جم خانہ بنانے کی بھی منظوری دے دی۔ وزیراعلیٰ پنجاب نے کہا کہ نشتر اسپتال 2 کے پہلے فیز کو جلد آپریشنل کیا جائے،پہلا مرحلہ 500 بستروں کے اسپتال کا ہے، لاگت5ارب ہے۔عثمان بزدار نے نشتر اسپتال ٹو کے منصوبے پر پیش رفت کا جائزہ لیا۔ بعدازاں وزیراعلیٰ پنجاب نے سرکٹ ہاؤس ملتان میں پارلیمنٹرینز اور دیگر سے ملاقات کی اور منتخب نمائندوں کے حلقوں کے مسائل سنے۔ سردار عثمان بزدار کا کہنا تھا کہ سابق دور میں جنوبی پنجاب کے عوام غربت کی چکی میں پستے رہے،سابق حکمرانوں نے جنوبی پنجاب کے عوام کو ترقی کے نام پر دھوکادیا۔انہوں نے مزید کہا کہ جنوبی پنجاب کو اس کی ترقی کا حق واپس دے رہے ہیں۔

0 Reviews

Write a Review

Read Previous

العزیزیہ، ایون فیلڈ ریفرنسز: نوازشریف کے ناقابل ضمانت وارنٹ گرفتاری برطانیہ ارسال‌

Read Next

مروہ زیادتی و قتل کیس منطقی انجام کے مرحلے میں داخل

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے