• نومبر 27, 2020

وزیراعلیٰ سندھ کا مسکن چورنگی دھماکے کا نوٹس، کمشنر کراچی سے رپورٹ طلب

کراچی:وزیراعلیٰ سندھ نے مسکن چورنگی دھماکے کا نوٹس لیتے ہوئے کمشنر کراچی سے واقعے کی تفصیلی رپورٹ طلب کرلی۔ مراد علی شاہ نے زخمیوں کیلئے فوری طبی امداد کا بندوبست کرنے کی بھی ہدایت کی ہے۔ وزیراعلیٰ سندھ نے جانی نقصان پر گہرے دکھ کا اظہار کیا۔

کراچی کے علاقے گلشن اقبال میں مسکن چورنگی پر واقع اپارٹمنٹ میں دھماکے میں 5 افراد جاں بحق اور 23 زخمی ہو گئے، 7 زخمیوں کی حالت تشویشناک ہے۔

دھماکا مسکن چورنگی کے قریب گلشن اقبال کے بلاک سیون میں واقع چار منزلہ اللہ نور اپارٹمنٹ کی پہلی منزل پر ہوا جو مکمل طور پر تباہ ہوگئی۔ دھماکے سے 2 فلیٹس کی بالکونیاں مکمل جبکہ ایک کی جزوی تباہ ہوگئی۔

دھماکا اس قدر زور دار تھا کہ اپارٹمنٹ سے ملحقہ متعدد فلیٹس کے شیشے ٹوٹ گئے۔ دھماکے سے عمارت کا متاثرہ حصہ ملبے کے ڈھیر میں تبدیل ہوگیا۔ ملبہ گرنے سے عمارت کے نیچے سے گزرنے والی گاڑیوں اور نچلے حصے میں واقع دو نجی بنکوں کو بھی خاصہ نقصان پہنچا۔

پولیس حکام کا کہنا ہے یہ کہنا قبل از وقت ہوگا کہ دھماکا کس چیز کا تھا، رینجرز کی بھاری نفری نے پہنچ کر بلڈنگ کے اطراف کے راستے بند کر دیئے۔ ریسکیو ٹیموں نے ملبے سے زخمیوں کو نکال کر قریبی پٹیل ہسپتال منتقل کیا۔

18 زخمی پٹیل، 2 جناح اور 3 زخمیوں کو عباسی شہید ہسپتال منتقل کیا گیا، زخمیوں میں 2 خواتین بھی شامل ہیں۔ ہسپتال انتظامیہ کے مطابق  7 زخمیوں کی حالت تشویشناک ہے۔

0 Reviews

Write a Review

Read Previous

سندھ پولیس افسران کی چھٹی کی درخواستوں پر مریم نواز کا ردعمل سامنے آگیا

Read Next

‘دھماکے کی نوعیت کا تعین ہونا ابھی باقی، دہشتگردی یا گیس لیکج کا واقعہ ہوسکتا ہے’

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے