• ستمبر 27, 2022

وزیراعظم نے انسداد پولیو مہم کا آغاز کردیا، بچوں کو قطرے بھی پلائے

اسلام آباد: وزیراعظم شہبازشریف نےانسداد پولیو مہم کا آغاز کردیا، تقریب میں بچوں کو قطرے پلائے۔ کہتے ہیں آئندہ نسلوں کا مستقبل محفوظ بنانے کےلیے سب کو مل کر چلنا ہوگا۔

وزیراعظم کا پولیو کی افتتاحی تقریب سے خطاب میں کہنا تھا کہ وفاقی اور صوبائی حکومتیں مل کر پولیو کا خاتمہ کر رہی ہیں، ملک سے پولیو کے خاتمے کیلئے کوشاں ہیں ، اس مقصد کو حاصل کرنے کیلئے تمام وسائل استعمال میں لا رہے ہیں۔ پولیو ایک جان لیوا مرض ہے بدقسمتی سے پاکستان کے بعض حصوں میں دوبارہ پولیو کے کیسز رپورٹ ہوئے ہیں۔

انہوں نے بچوں کے والدین سے اپیل کی کہ ورکرز جب آپ کے گھر آئیں تو بچوں کو پولیو کے قطرے ضرور پلائیں ، صرف دو بوندیں بچوں کو پولیو سے بچا سکتی ہیں۔

وفاقی وزیر صحت قادر پٹیل اور وزیراعلی سندھ سید مرادعلی شاہ بھی تقریب میں موجود تھے۔ وزیراعظم نے وفاقی وزیر صحت اور وزیراعلیٰ سندھ کا تقریب میں شرکت پر خصوصی طور پر شکریہ ادا کیا اور پولیو ورکرز کو بھی خراج تحسین پیش کیا۔

0 Reviews

Write a Review

Read Previous

پی ٹی سی ایل کے ٹرانسمیشن ٹیٹ ورک میں تکنیکی خرابی، انٹرنیٹ سروس متاثر

Read Next

کوئی جیل جائے تو بغلیں نہیں بجانی چاہئیں، سب کی باری آنی ہے: خواجہ سعد رفیق

Leave a Reply

آپ کا ای میل ایڈریس شائع نہیں کیا جائے گا۔