• اپریل 14, 2021

ن لیگ نے 20 ہزار اور پی ٹی آئی نے 35 ہزار ارب روپے قرض واپس کیا، وزیر اعظم

وزیر اعظم عمران خان نے کہا ہے کہ مسلم لیگ ن نے اپنے دورِ اقتدار میں 20 ہزار ارب روپے جب کہ پاکستان تحریک انصاف (پی ٹی آئی) نے اب تک 35 ہزار ارب روپے کا قرض واپس کیا۔ 

یونیورسٹی آف مالاکنڈ کے نئے بلاک کی افتتاحی تقریب سے خطاب کرتے ہوئے ان کا کہنا تھا کہ ملاکنڈ یونیورسٹی کے نئے بلاک کی افتتاح وزیراعلیٰ خیبرپختونخوا کو مبارکباد پیش کرتاہوں۔

انہوں نے کہا کہ میراخواب ہے نمل یونیورسٹی بہترین جامعات میں شامل ہوں، کوشش ہے قو م کو بہترین قیادت کا شعور دوں، دنیا کی ساری یونیورسٹیز دیکھ چکاہوں۔

عمران خان کا کہنا تھا کہ انسان صرف اپنے لیےجیے تو اس کاکوئی مقصد نہیں، پیسہ کسی کو خوشی نہیں دیتا،اصل خوشی اللہ کوخوش کرنے میں ہے۔ یہ ملک اس لیے نہیں بناتھا کہ شریف اور زرداری، ٹاٹا اور برلا کی جگہ لے لیں۔ 

وزیر اعظم نے کہا کہ 30 سال ملک کا پیسہ چوری ہوتا رہا او ر ان کو بھی نہیں پتہ کتنا ہوا، ادھر تو پیسے کے لیے باپ بھی جھوٹ بولتے ہیں اور اولاد بھی۔

عمران خان نے تقریب سے خطاب کرتے ہوئے کہا کہ القادر یونیورسٹی میں نوجوانوں کوپتہ چل جائے گا کہ دنیا میں آنے کامقصد کیاہے، القادریونیورسٹی کی بھی ستمبرمیں تکمیل ہوجائےگی، شارٹ کٹ لے کرکسی انسان نے بڑا کام نہیں کیا۔

ان کا کہنا تھا کہ ٹیکنالوجی اور تکنیکی تعلیم وقت کی ضرورت ہے، تکنیکی تعلیم سے نوجوانوں کو روزگار فراہم ہوگا،
نالج اکانومی دنیامیں انقلاب لاتی ہے۔

وزیراعظم نے کہا کہ پہلا سال بہت مشکل تھا،قرض کی قسطیں دینی تھیں، دوست ممالک نے معیشت بہتر کرنے میں مدد کی، ہمارا تو وقت اس میں گزر جاتاہے کہ قرض کا سود دیں۔

عمران خان کا کہنا تھا کہ 50سال کے بعد 2 بڑے ڈیمز بنا رہے ہیں، تعمیری انڈسٹری کو تاریخی سہولتیں فراہم کر رہے ہیں، صنعتوں کی ترقی سے ملک کی ترقی مشروط ہے۔

انہوں نے کہا کہ لاہورمیں راوی سٹی کے نام سے نیا شہر بنا رہے ہیں، راوی سٹی سے کئی ہزار ارب کی دولت آئے گی۔

وزیر اعظم کا کہنا تھا کہ راوی سٹی سے کئی ہزار ارب کی دولت آئے گی، ہماری توجہ زراعت کے شعبے پر توجہ مرکوز ہے، ڈیم سے ڈی آئی خان میں تین لاکھ ایکڑ زمین کاشت ہوگی۔

0 Reviews

Write a Review

Read Previous

گوگل:7 ارب ڈالرز کی سرمایہ کاری اور 10 ہزار ملازمتیں دینے کا اعلان

Read Next

کتے کے کاٹنے پر اراکین اسمبلی کی معطلی کے حکم پر شیری رحمان برہم

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے