• اپریل 18, 2021

نیب نے مریم نواز کو ایک اور کیس میں طلب کرلیا

قومی احتساب بیورو نے مسلم لیگ ن کی مرکزی نائب صدر مریم نواز کو ایک اور کیس میں طلب کرلیا ہے۔

نیب نے ن لیگی رہنما کو26 مارچ کو پیش ہونے کا کہا ہے۔ مریم نواز کو 1500 کنال اراضی کی مبینہ غیرقانونی منتقلی کیس میں طلب کیا گیا۔

نیب نے گزشتہ روز مریم نواز کو چودھری شوگر مل کیس میں26مارچ کو طلبی کا نوٹس جاری کیا تھا۔ نیب لاہور نے ہدایت کی ہے کہ مریم نواز تمام مطلوبہ ریکارڈ ہمراہ لائیں۔

اطلاعات ہیں کہ مریم نواز کے حوالے سے نیب لاہور کو نئے شواہد موصول ہوئے ہیں۔ نئے شواہد کی روشنی میں مریم نواز سے تحقیقات کرنی ہیں۔

مریم نواز سے 2008 میں 1 کروڑ 15 لاکھ 27 ہزار شئیرز منتقلی سے متعلق تفصیلات طلب گئی ہیں۔ نیب نوٹس میں پوچھا گیا ہے کہ بتایا جائے ایک کروڑ 15 لاکھ شیئرز خریدنے کے لیے رقم کہاں سے آئی؟

ن لیگی رہنما کو 3غیر ملکی شخصیات کے ساتھ معاہدوں کی اصل دستاویزات ہمراہ لانے کا بھی کہا گیا ہے۔ نیب نے کہا ہے کہ دوران ریمانڈ آپ غیر ملکی افراد سے متعلق تسلی بخش جواب نہیں دے سکیں تھیں۔

نیب نوٹس کے مطابق مریم نواز 23اور31جولائی2019کوبھی شیئرز کی خرید وفروخت سے متعلق جواب نہیں دے سکیں۔

نیب نے مذکورہ کیس میں مریم نواز کی ضمانت منسوخی کیلئے بھی لاہور ہائی کورٹ سے رجوع کر رکھا ہے۔

نیب پراسیکیوٹر فیصل بخاری کا مؤقف ہے کہ مریم نواز چوہدری شوگر ملز منی لانڈرنگ الزامات میں ضمانت پر رہا ہیں اور ریاستی اداروں کے خلاف بیان بازی کر رہی ہیں۔

نیب نے عدالت سے استدعا کی کہ  مریم نواز نے نیب نوٹس کے باوجود ریکارڈ فراہم نہیں کیا، لہذا ان کی ضمانت منسوخ کی جائے۔ نیب نے درخواست میں موقف اختیار کیا کہ مریم نواز ضمانت پر رہائی کے بعد مسلسل ریاستی اداروں کے خلاف بیانات دے رہی ہیں۔

0 Reviews

Write a Review

Read Previous

کورونا سے مزید 61 افراد جاں بحق، 3495 نئے مریض

Read Next

پی ایس ایل کے بقیہ میچز 23 مئی سے 20 جون تک کرانے کی تجویز

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے