• اپریل 14, 2021

نجی ایئر لائن کے طیارے کی ہنگامی لینڈنگ، اسد عمر بھی سوار تھے

کراچی سے اسلام آباد جانے والی سیرین ایئرلائن کی پرواز نے جناح انٹرنیشنل ایئر پورٹ پر ایمرجنسی لینڈنگ کی ہے۔ پرواز میں وفاقی وزیر برائے منصوبہ بندی اسد عمر بھی سوار تھے۔

ذرائع کے مطابق پرواز کراچی سے 12 بج کر30 منٹ پر اسلام آباد کیلئے روانہ ہوئی تھی۔ پرواز نے اڑان بھرنے کے کچھ دیر بعد جناح انٹرنیشنل ایئر پورٹ پر ایمرجنسی لینڈنگ کی۔

اس حوالے سے پاکستان تحریک انصاف کی رکن سندھ اسمبلی سدرہ عمران کا کہنا ہے کہ جہاز میں وفاقی وزیر اسد عمر بھی موجود تھے۔

ان کا مزید کہنا تھا کہ پرواز نے تکنیکی خرابی کے باعث کراچی ایئر پورٹ پرلینڈنگ کی۔ اسد عمر خیریت سے ہیں اور متبادل فلائٹ سے روانہ ہو رہے ہیں۔

خیال رہے کہ اس سے قبل 19 مارچ کو قومی ایئر لائن پی آئی اے کا طیارہ پی کے 306 نواب شاہ کے قریب آسمانی بجلی کی زد میں آگیا تھا لیکن خوش قسمتی سے کسی بھی قسم کا کوئی نقصان نہیں ہوا تھا۔

پی آئی اے کی پرواز پی کے 306 کراچی سے لاہور جارہی تھی کہ نواب شاہ کے قریب اچانک موسم خراب ہونے کے باعث طیارہ آسمانی بجلی کی زد میں آیا تھا۔

آسمانی بجلی سے طیارے کے پرائمری ریڈار کو بھی نقصان پہنچا تھا لیکن کپتان نے کمال مہارت سے طیارے کو بحفاظت لاہور ایئرپورٹ پر اتار لیا تھا۔

اس حوالے سے قومی ایئر لائن پی آئی کے ترجمان نے کہا تھا کہ کپتان کو محسوس ہوا تھا کہ دائیں پر کی جانب بجلی گری ہے لیکن طیارے کے لاہور ایئرپورٹ پر لینڈ کرنے کے بعد جب انجینئرز نے معائنہ کیا تو طیارے پر بجلی گرنے کے آثار دکھائی نہیں دیے۔

0 Reviews

Write a Review

Read Previous

کورونا میں مبتلا اکشے کمار اسپتال منتقل

Read Next

بین الصوبائی ٹرانسپورٹ پر پابندی کا نوٹیفکیشن جاری

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے