• جولائی 6, 2022

‘نان ٹیکس آمدن اور براہ راست غیر ملکی سرمایہ کاری میں کمی ریکارڈ’

اسلام آباد: وزارت خزانہ کی ماہانہ آؤٹ لک رپورٹ جاری کردی گئی ہے جس کے مطابق نان ٹیکس آمدن اور براہ راست غیر ملکی سرمایہ کاری میں کمی اور رواں مالی سال ترسیلات زر میں 11اعشاریہ 9فیصد اضافہ ریکارڈ کیا گیا ہے۔

وزارت خزانہ کی ملکی معیشت پر ماہانہ اپ ڈیٹ آوٹ لک رپورٹ میں کہا گیا کہ برآمدات سمیت درآمدات، ایف بی آر محصولات، ترسیلات زر اور بڑی صنعتوں کی پیداوار میں اضافہ ہوا جبکہ رواں مالی سال اب تک ترسیلات زر 11.9 فیصد اضافے سے 10.6 ارب ڈالر ریکارڈکی گئیں۔

رپورٹ کے مطابق ملکی برآمدات 32.2فیصد اضافے سے 9.7ارب ڈالر ،درآمدات 66.3فیصد اضافے سے 23.5ارب ڈالر کی سطح تک پہنچ گئیں ، رواں مالی سال کے پہلے 4 ماہ میں تجارتی خسارہ 13.8 ارب ڈالر تک پہنچ گیا جبکہ کرنٹ اکاؤنٹ خسارے میں 5.1 ارب ڈالر کا اضافہ ریکارڈ کیا گیا، کرنٹ اکاؤنٹ خسارہ جی ڈی پی کا4.7 فیصد ریکارڈ کیا گیا۔

براہ راست غیر ملکی سرمایہ کاری 4فیصد کمی سے 662.1 ملین ڈالر رہی، پورٹ فولیو سرمایہ کاری مثبت رجحان کے ساتھ 60.1 فیصد کی کمی ہوئی، زرمبادلہ ذخائر 23 نومبر تک 22 ارب 98 کروڑ ڈالر سے زائد ہوگئے جبکہ ڈالر کی شرح تبادلہ 174.30روپے فی ڈالر کی سطح پر پہنچ گئی ہے۔

رپورٹ میں مزید بتایا گیا کہ 4 ماہ میں ٹیکس ریونیو 36.8 فیصد اضافے سے 1843ارب روپے رہا،جولائی میں نان ٹیکس آمدنی 27.4 فیصد کمی سے 249ارب رہی ، 4 ماہ میں پی ایس ڈی پی کی مد میں 392.7ارب روپے منظورکئے گئے، 3 ستمبر تک میں مالیاتی خسارہ بڑھ کر 438 ارب روپے کی سطح تک پہنچ گیا جبکہ زرعی قرضے 6.5 فیصد اضافے سے 381.3ارب روپے کی سطح پررہے ۔

اکتوبر میں مہنگائی کی ماہانہ شرح 9.2فیصد ریکارڈ کی گئی ،جولائی تا اکتوبر مہنگائی کی سالانہ شرح 8.7 فیصد ریکارڈ کی گئی جبکہ بڑی صنعتوں کی شرح نمو جولائی تا ستمبر میں 5.2 فیصد اضافہ ہوا۔

0 Reviews

Write a Review

Read Previous

سربین ٹینس سٹار نواک جوکووچ کی آسٹریلین اوپن ٹورنامنٹ میں شرکت مشکوک

Read Next

اداکارہ جویریہ اور انوشے عباسی کی والدہ انتقال کرگئیں

Leave a Reply

آپ کا ای میل ایڈریس شائع نہیں کیا جائے گا۔