• ستمبر 23, 2021

ناسا نے زمین پر مریخ کے ماحول والی رہائش گاہ بنا دی

بوسٹن:  امریکی خلائی تحقیقاتی ادارے ناسا نے زمین پر مریخ کی طرز کی رہائش گاہ بنائی ہے تاکہ مستقبل میں مریخ پر رہائش کے انسانی صحت پر ہونے والے اثرات کا جائزہ لیا جاسکے۔

امریکی ذرائع ابلاغ کے مطابق امریکی ریاست ٹیکساس کے شہر ہوسٹن میں واقع ناسا کے جانسن سپیس سینٹر میں ایک تھری ڈی پرنٹر سے بنائی گئی نمونے کی مریخی رہائش گاہ یا مسکن بنایا گیا ہے جس میں جلد ہی رہنے کے لیے رضا کاروں سے نام طلب کیے جائیں گے۔

رپورٹ کے مطابق یہاں رہنے والے رضا کارایک مصنوعی مشن پر کام کریں گے جس میں ان کی سپیس واک،رہائش سے باہر رابطے کے لیے محدود ذرائع ، محدود خوراک اور وسائل سمیت تمام امور کا جائزہ لیا جائے گا۔

اس جگہ پر منتخب افراد کو ایک سال تک رہنا ہوگا اور دلچسپ بات یہ ہے کہ اس کے لیے ناسا کی جانب سے انہیں معاو ضہ بھی ادا کیا جائے گا۔اس تجربے کا مقصد مستقبل میں مریخ پر جانے والوں کی صحت اور کارکردگی کو جانچنا ہے۔

زمین پر قائم اس مریخی رہائش گاہ میں رہنے کے خواہش مند افراد کا امریکی شہری ہونا اور ماسٹر ڈگری ہولڈرہونا لازمی ہے جبکہ اس کی عمر 30 سے 55 سال کے درمیان ہونی چاہیے۔

0 Reviews

Write a Review

Read Previous

ثنا خان کی مالدیپ ایئرپورٹ پر نماز ادائیگی کی ویڈیو وائرل

Read Next

کورونا کا زور: مزید 81 افراد جان سے گئے، 24 گھنٹے میں 4856 نئے مریض

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے